കൊല്ലം വയോജന കേന്ദ്രത്തിൽ പീഡനാരോപണം; നടത്തിപ്പുകാരൻ പൊലീസ് കസ്റ്റഡിയിൽ

JUNE 12, 2026, 7:39 AM

കൊല്ലം: പുനലൂരിൽ പ്രവർത്തിക്കുന്ന പുനർജനി അഭയകേന്ദ്രം എന്ന വയോജന സ്ഥാപനത്തിൽ അന്തേവാസികൾ പീഡനത്തിന് ഇരയായെന്ന പരാതിയെ തുടർന്ന് പൊലീസ് അന്വേഷണം ആരംഭിച്ചു. പരാതിയുടെ അടിസ്ഥാനത്തിൽ സ്ഥാപനത്തിന്റെ നടത്തിപ്പുകാരനെ തെന്മല പൊലീസ് കസ്റ്റഡിയിലെടുത്തു എന്നാണ് ലഭിക്കുന്ന വിവരം.

അഭയകേന്ദ്രത്തിൽ നിന്ന് പുറത്തുവന്ന ചില സ്ത്രീകളാണ് തങ്ങൾ നേരിട്ട മാനസികവും ശാരീരികവുമായ പീഡനങ്ങളെക്കുറിച്ച് വെളിപ്പെടുത്തിയത്. ഇവരുടെ മൊഴികളിലൂടെയാണ് സ്ഥാപനത്തിലെ ഗുരുതര ആരോപണങ്ങൾ പുറത്തുവന്നത്.

അതിക്രമത്തിന് ഇരയായതായി പരാതിപ്പെട്ട അന്തേവാസികളുടെ മൊഴി പൊലീസ് രേഖപ്പെടുത്തിയിട്ടുണ്ട്. ആരോപണങ്ങളുടെ സത്യാവസ്ഥ പരിശോധിക്കുന്നതിനായി വിശദമായ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.