ന്യൂഡെല്‍ഹി: ഇന്ത്യന്‍ പ്രീമിയര്‍ ലീഗ് (ഐപിഎല്‍) സ്ഥാപകന്‍ ലളിത് മോദിയുടെ പാസ്പോര്ട്ട് റദ്ദാക്കാന്‍ പൗരത്വ കമ്മീഷനോട് വനുവാട്ടു പ്രധാനമന്ത്രി ജോതം നപത് ഉത്തരവിട്ടു. മതിയായ തെളിവുകള്‍ ഇല്ലാത്തതിനാല്‍ ലളിത് മോദിയെക്കുറിച്ച് ഇന്റര്‍പോള്‍ അലേര്‍ട്ടിനുള്ള ഇന്ത്യന്‍ അധികൃതരുടെ അഭ്യര്‍ത്ഥന നിരസിക്കപ്പെട്ടിരുന്നു. എന്നിരുന്നാലും സാഹചര്യം കണക്കിലെടുത്ത് പാസ്പോര്ട്ട് റദ്ദാക്കാന്‍ പ്രധാനമന്ത്രി ഉത്തരവിടുകയായിരുന്നു.
''മിസ്റ്റര്‍ മോദിയുടെ വാനുവാട്ടു പാസ്പോര്ട്ട് റദ്ദാക്കുന്നതിനുള്ള നടപടികള്‍ ഉടന്‍ ആരംഭിക്കാന്‍ ഞാന്‍ പൗരത്വ കമ്മീഷനോട് നിര്‍ദ്ദേശിച്ചിട്ടുണ്ട്,'' നപത് പ്രസ്താവനയില്‍ പറഞ്ഞു.
പശ്ചാത്തല പരിശോധനയില്‍ ക്രിമിനല്‍ കുറ്റം തെളിയിക്കപ്പെട്ടിട്ടില്ലെങ്കിലും, മതിയായ തെളിവുകള്‍ ഇല്ലാത്തതിനാല്‍ ലളിത് മോദിയെക്കുറിച്ച് മുന്നറിയിപ്പ് നല്‍കാനുള്ള ഇന്ത്യയുടെ അഭ്യര്‍ത്ഥനകള്‍ ഇന്റര്‍പോള്‍ നിരസിച്ചതായും ഇത് അദ്ദേഹത്തിന്റെ പൗരത്വ അപേക്ഷ നിരസിക്കുന്നതിലേക്ക് നയിച്ചതായും അടുത്തിടെ തനിക്ക് വിവരം ലഭിച്ചതായി അദ്ദേഹം പറഞ്ഞു.
''അദ്ദേഹത്തിന്റെ അപേക്ഷയ്ക്കിടെ നടത്തിയ ഇന്റര്‍പോള്‍ സ്‌ക്രീനിംഗ് ഉള്‍പ്പെടെയുള്ള എല്ലാ സ്റ്റാന്‍ഡേര്‍ഡ് പശ്ചാത്തല പരിശോധനകളിലും ക്രിമിനല്‍ കുറ്റം തെളിയിക്കപ്പെട്ടിട്ടില്ലെങ്കിലും, കഴിഞ്ഞ 24 മണിക്കൂറിനുള്ളില്‍ മിസ്റ്റര്‍ മോദിക്കെതിരെ മുന്നറിയിപ്പ് നല്‍കാനുള്ള ഇന്ത്യന്‍ അധികൃതരുടെ അഭ്യര്‍ത്ഥനകള്‍ ഇന്റര്‍പോള്‍ രണ്ടുതവണ നിരസിച്ചതായി എനിക്ക് മനസ്സിലായി. കാര്യമായ ജുഡീഷ്യല്‍ തെളിവുകളുടെ അഭാവമായിരുന്നു കാരണം. അത്തരമൊരു മുന്നറിയിപ്പ് മിസ്റ്റര്‍ മോദിയുടെ പൗരത്വ അപേക്ഷ സ്വയമേവ നിരസിക്കപ്പെടാന്‍ കാരണമാകുമായിരുന്നു,'' പിഎം നപത് പുറത്തിറക്കിയ പ്രസ്താവനയില്‍ പറയുന്നു.
സമീപ വര്‍ഷങ്ങളില്‍, വാനുവാട്ടു സര്‍ക്കാര്‍ നിക്ഷേപ പരിപാടിയിലൂടെ പൗരത്വത്തിനായുള്ള പ്രക്രിയ ശക്തിപ്പെടുത്തിയിട്ടുണ്ടെന്നും, അതിന്റെ ഫലമായി കൂടുതല്‍ അപേക്ഷകള്‍ വനുവാട്ടു സാമ്പത്തിക ഇന്റലിജന്‍സ് യൂണിറ്റിന്റെ മെച്ചപ്പെട്ട സൂക്ഷ്മപരിശോധനയില്‍ പരാജയപ്പെട്ടുവെന്നും പ്രധാനമന്ത്രി നപത് പറഞ്ഞു. പുതുക്കിയ പ്രക്രിയയില്‍ ഇന്റര്‍പോള്‍ പരിശോധന ഉള്‍പ്പെടെയുള്ള ട്രിപ്പിള്‍ ഏജന്‍സി പരിശോധനകള്‍ ഉള്‍പ്പെടുന്നുവെന്ന് പ്രധാനമന്ത്രി പറഞ്ഞു.
ദക്ഷിണ പസഫിക് സമുദ്രത്തിലെ ഒരു ദ്വീപ് രാഷ്ട്രമാണ് വനുവാട്ടു, 83 ദ്വീപുകളുടെ ഒരു ദ്വീപസമൂഹമാണിത്. അവയില്‍ 65 എണ്ണം ജനവാസമുള്ളതാണ്. ഇന്ത്യന്‍ പൗരത്വം ഉപേക്ഷിച്ച് വനുവാതു പൗരത്വം നേടാനാണ് പലായനം ചെയ്ത് ലണ്ടനില്‍ കഴിയുന്ന ലളിത് മോദി ശ്രമിച്ചിരുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250312110058.jpg)
-20250312105633.jpg)
-20250312104532.jpg)
-20250312102850.jpg)
-20250312100648.jpg)
