പ്രേക്ഷർ  ഏറെ പ്രതീക്ഷയോടെ കാത്തിരിക്കുന്ന നിരവധി തെലുങ്ക് സിനിമകൾ ഒ.ടി.ടി  റിലീസിനൊരുങ്ങുകയാണ്. അവ ഏതൊക്കെയെന്ന് നോക്കാം 

മെയ്യഴഗൻ

ഒക്ടോബർ 25, 2024 (നെറ്റ്ഫ്ലിക്സ്)

കാർത്തി, അരവിന്ദ് സ്വാമി എന്നിവരെ പ്രധാന കഥാപാത്രങ്ങളാക്കി സി പ്രേം കുമാർ സംവിധാനം ചെയ്യുന്ന ചിത്രമാണ് 'മെയ്യഴഗൻ'. സെപ്റ്റംബർ 27-നാണ് ചിത്രം തീയറ്ററുകളിലെത്തിയത്. തമിഴ്, തെലുങ്ക്, മലയാളം, കന്നഡ, ഹിന്ദി ഭാഷകളിൽ ചിത്രം ലഭ്യമാകും. ‘96’ എന്ന സൂപ്പർഹിറ്റ് സിനിമക്ക് ശേഷം പ്രേംകുമാർ തിരക്കഥയെഴുതി സംവിധാനം ചെയ്യുന്ന ചിത്രമാണ് മെയ്യഴകൻ.

രാജ് കിരണ്‍, ശ്രീ ദിവ്യ, സ്വാതി കൊണ്ടേ, ദേവദര്‍ശിനി, ജയപ്രകാശ്, ശ്രീരഞ്ജിനി, ഇളവരസ്, കരുണാകരന്‍, ശരണ്‍ ശക്തി, റൈച്ചല്‍ റെബേക്ക, മെര്‍ക്ക് തൊടര്‍ച്ചി മലൈ ആന്‍റണി, രാജ്കുമാര്‍, ഇന്ദുമതി മണികണ്ഠന്‍, റാണി സംയുക്ത, കായല്‍ സുബ്രമണി, അശോക് പാണ്ഡ്യന്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. കാര്‍ത്തിയുടെ കരിയറിലെ 27-ാമത്തെ ചിത്രമാണ് ഇത്.

കലി 

നിലവിൽ 2024 ഒക്ടോബർ 17 മുതൽ ഇടിവി വിന്നിൽ  സ്ട്രീം ചെയ്യുന്ന കലി, നരേഷ് അഗസ്ത്യ അവതരിപ്പിക്കുന്ന  കോളേജ് അധ്യാപകനായ ശിവറാമിൻ്റെ സങ്കീർണ്ണമായ ജീവിതത്തിലേക്ക് കടന്നുവരുന്ന ഒരു സസ്‌പെൻസ് ത്രില്ലറാണ്. 

ദേവര

നവംബർ 8, 2024 (നെറ്റ്ഫ്ലിക്സ്)

ജൂനിയർ എൻടിആർ, സെയ്ഫ് അലി ഖാൻ, ജാൻവി കപൂർ എന്നിവർ അഭിനയിച  കൊരട്ടാല ശിവയുടെ ദേവര  അതിൻ്റെ ഒടിടി റിലീസിലൂടെ കൂടുതൽ പ്രേക്ഷകരിലേക്ക് എത്തുകയാണ്. മീഡിയ റിപ്പോർട്ടുകൾ പ്രകാരം, നവംബർ 8 മുതൽ നെറ്റ്ഫ്ലിക്സിൽ  ദേവര പാർട്ട്  1 ലഭ്യമാകും. ഔദ്യോഗിക പ്രഖ്യാപനം തീർച്ചപ്പെടുത്തിയിട്ടില്ലെങ്കിലും, ഹിന്ദി, തെലുങ്ക്, കന്നഡ, മലയാളം, തമിഴ് എന്നിവയുൾപ്പെടെ ഒന്നിലധികം പ്രാദേശിക ഭാഷകളിൽ ആരാധകർക്ക് അവരുടെ ടിവി സെറ്റുകളിലും മൊബൈലിലും ഉടൻ സിനിമ ആസ്വദിക്കാനാകും.

ലക്കി ഭാസ്കർ

ഒക്ടോബർ 31, 2024 (തീയറ്ററുകൾ)

വെങ്കി അറ്റ്‌ലൂരി സംവിധാനം ചെയ്ത ലക്കി ഭാസ്കർ , ആകാംക്ഷയോടെ കാത്തിരിക്കുന്ന ഒരു തെലുങ്ക് ഡ്രാമ ത്രില്ലറാണ്. സൂര്യദേവര നാഗവംശി, സായി സൗജന്യ എന്നിവരുടെ നേതൃത്വത്തിലുള്ള സിതാര എന്റർടൈൻമെൻറ്സും ഫോർച്യൂൺ ഫോർ സിനിമാസും ചേർന്നാണ് ലക്കി ഭാസ്കർ നിർമ്മിച്ചിരിക്കുന്നത്. ചിത്രം അവതരിപ്പിക്കുന്നത് ശ്രീകര സ്റ്റുഡിയോസ്. ഹൈപ്പർ ആദി, സൂര്യ ശ്രീനിവാസ് എന്നിവരാണ് ചിത്രത്തിലെ മറ്റു പ്രധാന താരങ്ങൾ. ഒരു പീരീഡ് ഡ്രാമ ത്രില്ലറായി ഒരുക്കിയിരിക്കുന്ന ലക്കി ഭാസ്കർ തെലുങ്ക്, മലയാളം, തമിഴ്, ഹിന്ദി ഭാഷകളിൽ പാൻ ഇന്ത്യൻ റിലീസായി എത്തും. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്