ഓസ്കാർ ജേതാവ് ക്രിസ്റ്റഫർ നോളന്റെ ഏറ്റവും പുതിയ ചിത്രം 'ദ ഒഡീസി'യുടെ (The Odyssey) ട്രെയിലർ പുറത്തിറങ്ങി. ഹോമറിന്റെ വിശ്വപ്രസിദ്ധമായ ഇതിഹാസ കാവ്യത്തെ ആസ്പദമാക്കി ഒരുക്കിയ ഈ ചിത്രം ജൂലൈ 17-ന് ലോകമെമ്പാടുമുള്ള തീയേറ്ററുകളിൽ പ്രദർശനത്തിനെത്തും.
ഐമാക്സ് (IMAX) ക്യാമറകളിൽ പൂർണ്ണമായും ചിത്രീകരിച്ച ഈ ചിത്രം, ട്രോജൻ യുദ്ധത്തിന് ശേഷം ഇതാക്കയിലെ രാജാവായ ഒഡീസിയസ് നടത്തുന്ന സാഹസികമായ തിരിച്ചുവരവിന്റെ കഥയാണ് പറയുന്നത്. മാറ്റ് ഡാമൺ നായകനാകുന്ന ചിത്രത്തിൽ ചാർലീസ് തെറോൺ, ടോം ഹോളണ്ട്, ആൻ ഹാത്ത്വേ, റോബർട്ട് പാറ്റിൻസൺ തുടങ്ങിയ വമ്പൻ താരനിര അണിനിരക്കുന്നു.
സ്റ്റീഫൻ കോൾബെർട്ടുമായുള്ള അഭിമുഖത്തിൽ 'ദ ഒഡീസി'യെ "ഏറ്റവും മികച്ച നായക്കഥ" (ultimate dog story) എന്നാണ് നോളൻ വിശേഷിപ്പിച്ചത്. ഒഡീസിയസിന്റെ വിശ്വസ്തനായ 'അർഗോസ്' എന്ന നായയും ഒഡീസിയസും തമ്മിലുള്ള ഹൃദയസ്പർശിയായ ബന്ധത്തിന് ചിത്രത്തിൽ വലിയ പ്രാധാന്യമുണ്ടെന്ന് അദ്ദേഹം വെളിപ്പെടുത്തി.
താൻ ഈയടുത്ത് ഒരു വളർത്തുനായയെ ദത്തെടുത്തത് കഥയിലെ ഈ ഭാഗത്തോട് കൂടുതൽ അടുക്കാൻ സഹായിച്ചുവെന്നും നോളൻ പങ്കുവെച്ചു. 'ഓപ്പൺഹൈമറിന്' ശേഷം മൂന്ന് വർഷത്തെ ഇടവേള കഴിഞ്ഞെത്തുന്ന നോളൻ ചിത്രം എന്ന പ്രത്യേകതയും ഇതിനുണ്ട്. ഗ്രീക്ക് പുരാണങ്ങളും ഇന്നത്തെ സൂപ്പർഹീറോ കഥകളും തമ്മിലുള്ള സാമ്യവും ചിത്രത്തിന്റെ പ്രചരണ പരിപാടികൾക്കിടെ അദ്ദേഹം ചർച്ച ചെയ്തു
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011060835.jpg)
-20260617053718.jpg)
-20260617052441.jpg)
-20260616092425.jpg)
