ഇന്ത്യൻ സിനിമയ്ക്ക് നൽകിയ സമഗ്ര സംഭാവനകൾ പരിഗണിച്ച് കന്നഡ ഇതിഹാസ നടൻ അനന്ത് നാഗിന് ദാദാസാഹേബ് ഫാൽക്കെ പുരസ്കാരം പ്രഖ്യാപിച്ചു. പ്രസ് ഇൻഫർമേഷൻ ബ്യൂറോയാണ് (PIB) ഇക്കാര്യം ഔദ്യോഗികമായി അറിയിച്ചത്.
സെപ്റ്റംബർ 22-ന് ഗുജറാത്തിലെ കെവാഡിയയിൽ നടക്കുന്ന 72-ാമത് ദേശീയ ചലച്ചിത്ര പുരസ്കാര ചടങ്ങിൽ വെച്ച് അദ്ദേഹത്തിന് പുരസ്കാരം സമ്മാനിക്കും. പുരസ്കാര നേട്ടത്തിൽ പ്രധാനമന്ത്രി നരേന്ദ്ര മോദി അനന്ത് നാഗിനെ അഭിനന്ദിച്ചു.
കന്നഡയ്ക്ക് പുറമെ ഹിന്ദി, തെലുങ്ക്, തമിഴ്, മറാത്തി, മലയാളം, ഇംഗ്ലീഷ് ഭാഷകളിലായി മുന്നൂറിലധികം സിനിമകളിൽ അദ്ദേഹം വേഷമിട്ടിട്ടുണ്ട്. 1987-ൽ ലെനിൻ രാജേന്ദ്രൻ സംവിധാനം ചെയ്ത 'സ്വാതി തിരുനാൾ' എന്ന ചിത്രത്തിൽ സ്വാതി തിരുനാൾ രാമവർമ്മയായി വേഷമിട്ടത് മലയാളികൾക്കും പ്രിയങ്കരനാണ് അദ്ദേഹം. കൂടാതെ, ലോകപ്രശസ്തമായ 'മാൽഗുഡി ഡേയ്സ്' എന്ന ദൂരദർശൻ പരമ്പരയിലെ അദ്ദേഹത്തിന്റെ പ്രകടനം ഏറെ ശ്രദ്ധ നേടിയിരുന്നു.
അഞ്ചു തവണ കർണാടക സംസ്ഥാന ചലച്ചിത്ര പുരസ്കാരം നേടിയിട്ടുള്ള അനന്ത് നാഗിനെ 2025-ൽ രാജ്യം പത്മഭൂഷൺ ബഹുമതി നൽകി ആദരിച്ചിരുന്നു. ഇതിഹാസ താരത്തിന് ലഭിച്ച അർഹിച്ച അംഗീകാരത്തിന്റെ സന്തോഷത്തിലാണ് ചലച്ചിത്ര ലോകവും ആരാധകരും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260916090050.jpg)
-20260916052429.jpg)
-20260915054228.jpg)
-20260915033420.jpg)
-20260909043220.jpg)
