മിൽകോവിൽ (കാനഡ): കാനഡയിലെ ന്യൂ ബ്രൺസ്‌വിക്കിലെ മിൽകോവിലുണ്ടായ വാഹനാപകടത്തിൽ പഞ്ചാബിൽ നിന്നുള്ള മൂന്ന് ഇന്ത്യൻ വിദ്യാർത്ഥികൾ മരിച്ചു. ഡ്രൈവറും മൂന്ന് ഇന്ത്യൻ വിദ്യാർത്ഥികളും സഞ്ചരിച്ചിരുന്ന വാഹനത്തിന്റെ ടയർ നഷ്ടപ്പെട്ടതിനാൽ അത് ഹൈവേയിൽ നിന്ന് തെന്നിമാറി.

വാഹനത്തിലുണ്ടായിരുന്നവർ തെറിച്ചുവീണ് സംഭവസ്ഥലത്തുവച്ചുതന്നെ മരിച്ചു. ജൂലൈ 27 ശനിയാഴ്ചയായിരുന്നു അപകടം. ലുധിയാനയിലെ മലൗദ് ഗ്രാമത്തിൽ നിന്നുള്ള രണ്ട് സഹോദരങ്ങളാണ് കൊല്ലപ്പെട്ടത് മോൺക്ടണിലെ ഡേകെയറിൽ ജോലി ചെയ്തിരുന്ന ഹർമൻസോമൽ (23), ഏതാനും മാസം മുമ്പ് പഠന വിസയിൽ കാനഡയിലേക്ക് പോയ നവ്‌ജോത്‌സോമൽ (19) എന്നിവരാണ് മരിച്ചത്.

പഞ്ചാബിലെ സംഗ്രൂർ ജില്ലയിലെ സമാനയിൽ നിന്നുള്ള സർക്കാർ അധ്യാപകരായ ഭൂപീന്ദർ സിങ്ങിന്റെയും സുചേത് കൗറിന്റെയും മകളാണ് മരിച്ച മൂന്നാമത്തെയാൾ രശ്ംദീപ് കൗർ.

ജൂലൈ 22 ന് ഗുരുദാസ്പൂരിലെ ബ്രാംപ്ടണിനടുത്ത് വാഹനാപകടത്തിൽ 10 മാസമായി പഠന വിസയിൽ കാനഡയിലായിരുന്ന മറ്റൊരു പഞ്ചാബി വിദ്യാർത്ഥിനി ലഖ്‌വീന്ദർ കൗർ  വാഹനാപകടത്തിൽ മരിച്ചിരുന്നു.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്