ഒട്ടാവ: ഓൺലൈൻ പരസ്യത്തിലെ മത്സര വിരുദ്ധ പെരുമാറ്റം ആരോപിച്ച് കാനഡയിലെ ആൻ്റിട്രസ്റ്റ് വാച്ച്‌ഡോഗ് ഗൂഗിളിനെതിരെ കേസെടുത്തു. 

ഗൂഗിൾ  അതിൻ്റെ പ്രബലമായ മാർക്കറ്റ് സ്ഥാനം നിലനിർത്താൻ നിയമവിരുദ്ധമായി  ആഡ് ടെക് ടൂളുകളിൽ മാറ്റം വരുത്തിയതായി അന്വേഷണത്തിൽ കണ്ടെത്തിയതായി  കോമ്പറ്റീഷൻ ബ്യൂറോ പറഞ്ഞു.

ഈ ആധിപത്യം, എതിരാളികളിൽ നിന്നുള്ള മത്സരത്തെ നിരുത്സാഹപ്പെടുത്തുകയും  പരസ്യച്ചെലവ് വർദ്ധിപ്പിക്കുകയും പ്രസാധകരുടെ വരുമാനം കുറയ്ക്കുകയും ചെയ്തുവെന്ന് ബ്യൂറോ പറഞ്ഞു.

"കാനഡയിലെ ഓൺലൈൻ പരസ്യത്തിൽ ഗൂഗിൾ അതിൻ്റെ ആധിപത്യ സ്ഥാനം ദുരുപയോഗം ചെയ്തുകൊണ്ട് വിപണി പങ്കാളികളെ സ്വന്തം ആഡ് ടെക് ടൂളുകൾ ഉപയോഗിക്കുന്നതിനും എതിരാളികളെ ഒഴിവാക്കുന്നതിനും മത്സര പ്രക്രിയയെ വളച്ചൊടിക്കുന്നതിനും തടയിടുന്നു,"- മാത്യൂ ബോസ്വെൽ ഒരു പ്രസ്താവനയിൽ പറഞ്ഞു.

പ്രസാധക പരസ്യ സെർവറുകളിൽ 90 ശതമാനവും പരസ്യദാതാക്കളുടെ നെറ്റ്‌വർക്കുകളിൽ 70 ശതമാനവും ഡിമാൻഡ് സൈഡ് പ്ലാറ്റ്‌ഫോമുകളിൽ 60 ശതമാനവും പരസ്യ എക്‌സ്‌ചേഞ്ചുകളിൽ 50 ശതമാനവും വിപണി വിഹിതം ഗൂഗിളിനുണ്ടെന്ന് അന്വേഷണത്തിൽ കണ്ടെത്തി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്