ഇന്ത്യൻ നായികയാകാൻ റെഡിയാണെന്ന് സ്മൃതി മന്ദാന

JULY 15, 2026, 4:44 AM

ഇന്ത്യൻ വനിതാ ക്രിക്കറ്റ് ടീമിന്റെ നായികയായി ചുമതലയേൽക്കാൻ താൻ പൂർണ്ണ സജ്ജയാണെന്ന് വ്യക്തമാക്കി വൈസ് ക്യാപ്റ്റൻ സ്മൃതി മന്ദാന. ഹർമൻപ്രീത് കൗറിന് ശേഷം ടീമിനെ നയിക്കാൻ തനിക്ക് ആത്മവിശ്വാസമുണ്ടെന്ന് വെളിപ്പെടുത്തിയ സ്മൃതി, ഹർമന്റെ കീഴിൽ വൈസ് ക്യാപ്റ്റനായി പ്രവർത്തിച്ച വർഷങ്ങൾ തന്നെ ഈ വലിയ ഉത്തരവാദിത്തത്തിന് പ്രാപ്തയാക്കിയെന്നും കൂട്ടിച്ചേർത്തു.

ഹർമൻപ്രീത് കൗറിന്റെ അഭാവത്തിൽ ഇന്ത്യയെ നയിക്കേണ്ടി വരുന്നതിനെക്കുറിച്ച് ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ ചോദിച്ചപ്പോഴാണ് സ്മൃതി തന്റെ നിലപാട് വ്യക്തമാക്കിയത്. "അതെ, തീർച്ചയായും ഞാൻ അതിന് തയ്യാറാണ്," 29-കാരിയായ ഇടങ്കയ്യൻ ഓപ്പണർ പറഞ്ഞു. കഴിഞ്ഞ ഒരു പതിറ്റാണ്ടായി ഇന്ത്യൻ വനിതാ ക്രിക്കറ്റിലെ ഏറ്റവും വിശ്വസ്തയായ ബാറ്റർമാരിൽ ഒരാളായ സ്മൃതി, സമ്മർദ്ദ ഘട്ടങ്ങളിൽ ടീമിനെ നയിക്കാൻ തനിക്കുള്ള കഴിവ് ഇതിനോടകം തന്നെ തെളിയിച്ചിട്ടുള്ളതുമാണ്.

വെറുമൊരു ആത്മവിശ്വാസം മാത്രമല്ല, ക്യാപ്റ്റൻ എന്ന നിലയിലുള്ള സ്മൃതി മന്ദാനയുടെ റെക്കോർഡുകളും താരം ഹർമന്റെ സ്വാഭാവിക പിൻഗാമിയാണെന്ന് അടിവരയിടുന്നു. ഹർമൻപ്രീതിന്റെ അഭാവത്തിൽ ഇതുവരെ 18 ടി20 മത്സരങ്ങളിലും 4 ഏകദിനങ്ങളിലും സ്മൃതി ഇന്ത്യയെ നയിച്ചിട്ടുണ്ട്.ഇതിൽ രണ്ട് ഫോർമാറ്റുകളിലുമായി 15 വിജയങ്ങൾ സ്വന്തമാക്കാൻ അവർക്ക് സാധിച്ചു.സ്മൃതി നയിച്ച 4 ഏകദിനങ്ങളിലും ഇന്ത്യ ഇതുവരെ പരാജയപ്പെട്ടിട്ടില്ല (Unbeaten) എന്നതും ശ്രദ്ധേയമാണ്.