യുവതാരം വൈഭവ് സൂര്യവംശിക്ക് ഇന്ത്യന്‍ ടി20 പ്ലേയിങ് ഇലവനില്‍ പെട്ടെന്ന് അവസരം ലഭിക്കാന്‍ സാധ്യതയില്ലെന്ന് ക്യാപ്റ്റന്‍ ശ്രേയസ് അയ്യര്‍. ന്യൂസിലന്‍ഡിനെതിരായ അഞ്ച് മത്സരങ്ങളുടെ ടി20 പരമ്പരയ്ക്ക് മുന്നോടിയായി മാധ്യമങ്ങളോട് സംസാരിക്കുകയായിരുന്നു അദ്ദേഹം.
നിലവിലെ ഓപ്പണര്‍മാരായ അഭിഷേക് ശര്‍മ്മയും സഞ്ജു സാംസണും മികച്ച ഫോമില്‍ തുടരുന്നതിനാല്‍ ടീമില്‍ പെട്ടെന്ന് മാറ്റങ്ങള്‍ വരുത്തുക എളുപ്പമല്ലെന്ന് ശ്രേയസ് വ്യക്തമാക്കി.
"വൈഭവ് സൂര്യവംശിയെപ്പോലൊരു പ്രതിഭ ഡ്രസ്സിങ് റൂമില്‍ ഒപ്പമുണ്ടാകുന്നത് ടീമിന് വലിയ ഊര്‍ജ്ജമാണ്. അവന് വളരെ ചെറുപ്പമാണ്, ഭാവിയില്‍ അവന് ധാരാളം അവസരങ്ങള്‍ ലഭിക്കും. എന്നാല്‍ ഇപ്പോള്‍ അവന് പെട്ടെന്ന് പ്ലേയിങ് ഇലവനിലേക്ക് വരാനാകില്ല. കാരണം ഞങ്ങളുടെ ഓപ്പണര്‍മാര്‍ സ്ഥിരതയാര്‍ന്ന പ്രകടനമാണ് കാഴ്ചവെക്കുന്നത്, മാത്രമല്ല അവര്‍ ലോകകപ്പ് ജേതാക്കളുമാണ്," ശ്രേയസ് അയ്യര്‍ പറഞ്ഞു.
ഈ വര്‍ഷം ആദ്യം നടന്ന ഇംഗ്ലണ്ട്, അയര്‍ലന്‍ഡ് പര്യടനങ്ങളില്‍ ടീമില്‍ ഇടംനേടിയെങ്കിലും, ഇന്ത്യ കളിച്ച 21 ടി20 മത്സരങ്ങളില്‍ എട്ടെണ്ണത്തില്‍ മാത്രമാണ് വൈഭവിന് അവസരം ലഭിച്ചത്. എങ്കിലും വിദേശ പിച്ചുകളിലെ മത്സരങ്ങളില്‍ പങ്കെടുക്കുന്നത് വൈഭവിന്റെ ഭാവി കരിയറിന് വലിയ മുതല്‍ക്കൂട്ടാകുമെന്ന് ക്യാപ്റ്റന്‍ അഭിപ്രായപ്പെട്ടു.
തണുപ്പുള്ള കാലാവസ്ഥയും പേസര്‍മാരെ തുണയ്ക്കുന്ന പിച്ചുകളുമാണ് കിവീസ് മണ്ണിലെ പ്രധാന വെല്ലുവിളിയെങ്കിലും, ടീം സാഹചര്യങ്ങളുമായി പെട്ടെന്ന് പൊരുത്തപ്പെടുമെന്ന് അദ്ദേഹം ആത്മവിശ്വാസം പ്രകടിപ്പിച്ചു.തന്റെ ബാറ്റിങ് പൊസിഷനെക്കുറിച്ചുള്ള ചോദ്യത്തിന്, ഇഷാന്‍ കിഷന്‍ മൂന്നാം നമ്പറില്‍ മികച്ച പ്രകടനം നടത്തുന്നതിനാല്‍ താന്‍ ബാറ്റിങ് ഓര്‍ഡറില്‍ മുന്നോട്ട് കയറാന്‍ ഉദ്ദേശിക്കുന്നില്ലെന്നും, ടീമിന്റെ ആവശ്യമനുസരിച്ച് ഏത് സ്ഥാനത്തും കളിക്കാന്‍ തയ്യാറാണെന്നും ശ്രേയസ് കൂട്ടിച്ചേര്‍ത്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20261021100141.jpg)
-20261020012135.jpg)
-20261020012135.jpg)
