ഇംഗ്ലീഷ് പ്രീമിയർ ലീഗിൽ എവർട്ടനെതിരായ മൽസരത്തിനിടെ ഗുരുതരമായി പരിക്കേറ്റ ചെൽസിയുടെ അർജന്റീന ഗോൾകീപ്പർ എമി മാർട്ടിനസ് അടിയന്തര ശസ്ത്രക്രിയയ്ക്ക് വിധേയനായി. എവർട്ടൻ പ്രതിരോധ താരം ജാറഡ് ബ്രാത്ത്വെയ്റ്റുമായി കൂട്ടിയിടിച്ചതിനെ തുടർന്നാണ് മാർട്ടിനസിന് പരിക്കേറ്റത്.
മൽസരത്തിനിടെ ഗ്രൗണ്ടിൽ വെച്ച് പ്രാഥമിക ശുശ്രൂഷ നൽകിയ ശേഷം സ്‌ട്രെച്ചറിലാണ് 34കാരനായ താരത്തെ പുറത്തേക്ക് കൊണ്ടുപോയത്. താടിയെല്ലിന് പരിക്കേറ്റതിനെ തുടർന്നാണ് അദ്ദേഹത്തെ അടിയന്തരമായി ആശുപത്രിയിൽ പ്രവേശിപ്പിച്ചതും ശസ്ത്രക്രിയയ്ക്ക് വിധേയനാക്കിയതും.
ശസ്ത്രക്രിയ വിജയകരമായി പൂർത്തിയായെന്ന് ആശുപത്രിയിൽ നിന്നുള്ള സന്ദേശത്തിലൂടെ മാർട്ടിനസ് സോഷ്യൽ മീഡിയയിൽ സ്ഥിരീകരിച്ചു. 'സന്ദേശങ്ങൾ അയച്ച എല്ലാവർക്കും നന്ദി, ശസ്ത്രക്രിയ വിജയകരമായി കഴിഞ്ഞു. ടീം വിജയിച്ചതും ക്ലീൻ ഷീറ്റ് നിലനിർത്താൻ കഴിഞ്ഞതുമാണ് ഏറ്റവും പ്രധാനം. ഏതാനും ആഴ്ചകൾക്കുള്ളിൽ ഞാൻ കളിക്കളത്തിലേക്ക് തിരിച്ചെത്തും' താരം സോഷ്യൽ മീഡിയയിൽ കുറിച്ചു.
പെഡ്രോ നെറ്റോ നേടിയ ഇരട്ട ഗോളുകളുടെ കരുത്തിൽ ഹിൽ ഡിക്‌സൺ സ്റ്റേഡിയത്തിൽ നടന്ന മൽസരത്തിൽ ചെൽസി എതിരില്ലാത്ത രണ്ട് ഗോളുകൾക്ക് എവർട്ടനെ പരാജയപ്പെടുത്തി. മൽസരത്തിന്റെ രണ്ടാം പകുതിയിൽ കിർണൻ ഡ്യൂസ്ബറിഹാൾ എടുത്ത ഫ്രീ കിക്ക് തടയാനുള്ള ശ്രമത്തിനിടെയാണ് മാർട്ടിനസും ബ്രാത്ത്വെയ്റ്റും തമ്മിൽ കൂട്ടിയിടിച്ചത്.
മാർട്ടിനസിന് പരിക്കേറ്റതോടെ 21കാരനായ ബെൽജിയം യുവ താരം മൈക്ക് പെൻഡേഴ്‌സ് ചെൽസിക്കായി പ്രീമിയർ ലീഗിൽ അരങ്ങേറ്റം കുറിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261019025017.jpg)
-20261019023833.jpg)
