ടെക്സാസ്: 19 വർഷത്തെ ഇടവേളയ്ക്കു ശേഷം റിങ്ങിലേക്കുള്ള മടങ്ങിവരവില്‍ തോല്‍വി ഏറ്റുവാങ്ങി ലോക ഹെവിവെയ്റ്റ് ചാമ്ബ്യൻ മൈക്ക് ടൈസൺ. യൂട്യൂബർ ജേക്ക് പോളിനോടായിരുന്നു ടൈസന്റെ തോല്‍വി.

വിധികർത്താക്കള്‍ ഏകകണ്ഠമായാണ് ജേക്ക് പോളിനെ വിജയിയായി പ്രഖ്യാപിച്ചത്. ടെക്സസിലെ എ.ടി ആൻഡ് ടി സ്റ്റേഡിയത്തില്‍ നടന്ന മത്സരം നെറ്റ്ഫ്ലിക്സാണ് തത്സമയം സംപ്രേഷണം ചെയ്തത്. 

 ജേക്ക് പോൾ ഒരു യൂട്യൂബറും സോഷ്യൽ മീഡിയ ഇൻഫ്ലുവൻസറുമാണ്. ജെയ്ക്ക് പോൾ 2018 ഓടെ പ്രൊഫഷണലായി മാറി.വർഷങ്ങള്‍ നീണ്ട ഇടവേളയ്ക്ക് ശേഷം 58-ാം വയസ്സിലായിരുന്നു ബോക്സിങ് റിങ്ങിലേക്കുള്ള ടൈസന്റെ തിരിച്ചുവരവ്.

എട്ടു റൗണ്ടിലും യുവതാരത്തിനെതിരെ പൊരുതിനിന്നെങ്കിലും, പ്രായത്തിന്റേതായ പരാധീനതകള്‍ പ്രകടനത്തെ ബാധിച്ചതോടെയാണ് മൈക്ക് ടൈസന്റെ തോല്‍വി.

മുൻ ഹെവിവെയ്റ്റ് ചാമ്ബ്യനായ ടൈസണ്‍ 2005-ല്‍ പ്രൊഫഷണല്‍ ബോക്സില്‍നിന്ന് വിരമിച്ചു. 2019-ല്‍ പ്രദർശനമത്സരത്തില്‍ ഇറങ്ങി. കരിയറില്‍ 50 മത്സരങ്ങളില്‍ ജയവും ആറു തോല്‍വിയുമുണ്ട്

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്