ആദ്യ ടി20യിൽ ഓസ്‌ട്രേലിയ പാകിസ്ഥാനെ 29 റൺസിന് തോൽപ്പിച്ചു. മോശം കാലാവസ്ഥ കാരണം 7 ഓവറാക്കി ചുരുക്കിയ മത്സരത്തിൽ ആദ്യം ബാറ്റു ചെയ്ത ഓസ്‌ട്രേലിയ 7 ഓവറിൽ 93-4 റൺസ് എടുത്തു.

മാക്‌സ്‌വെലിന്റെ ഇന്നിങ്‌സാണ് ഓസ്‌ട്രേലിയക്ക് മികച്ച സ്‌കോർ നൽകിയത്. മാക്‌സ്‌വെൽ 19 പന്തിൽ നിന്ന് 43 റൺസെടുത്തു. 3 സിക്‌സും 5 ഫോറും മാക്‌സ്‌വെലിന്റെ ഇന്നിംഗ്‌സിൽ ഉണ്ടായിരുന്നു.

സ്റ്റോയിനിസ് 7 പന്തിൽ നിന്ന് 21 റൺസെടുത്തു. 1 സിക്‌സും 2 ഫോറും സ്റ്റോയിനിസ് അടിച്ചു. പാകിസ്ഥാനായി അബ്ബാസ് അഫ്രീദി 2 വിക്കറ്റും നസീം ഷാ, ഹാരിസ് റഹൂഫ് എന്നിവർ ഓരോ വിക്കറ്റ് വീതവും വീഴ്ത്തി.

പാകിസ്ഥാന്റെ ചെയ്‌സ് തുടക്കം മുതൽ പാളി. 24 റൺസ് എടുക്കുമ്പോഴേക്ക് 6 വിക്കറ്റുകൾ പാകിസ്ഥാന് നഷ്ടമായി. പാകിസ്ഥാൻ ആകെ 7 ഓവറിൽ 64-9 എന്ന സ്‌കോർ മാത്രമെ നേടിയുള്ളൂ. ക്യാപ്ടൻ റിസ്‌വാൻ ഡക്കിൽ പോയപ്പോൾ ബാബർ 3 റൺസ് മാത്രം എടുത്ത് നിരാശപ്പെടുത്തി. 10 പന്തിൽ 20 റൺസെടുത്ത അബ്ബാസ് അഫ്രീദി മാത്രമാണ് പാകിസ്ഥാൻ നിരയിൽ നിന്ന് ബാറ്റ് കൊണ്ട് തിളങ്ങിയത്. ഓസ്‌ട്രേലിയക്കായി ബാർട്‌ലറ്റും നഥാൻ എലിസും 3 വിക്കറ്റ് വീതം വീഴ്ത്തി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്