പാകിസ്ഥാൻ ക്രിക്കറ്റിലെ സൂപ്പർ താരം ബാബർ അസം, ബിഗ് ബാഷ് ലീഗിൽ (BBL) ആദ്യമായി കളിക്കാൻ ഒരുങ്ങുന്നു. സിഡ്‌നി സിക്‌സേഴ്‌സുമായി ഒരു പ്രീഡ്രാഫ്റ്റ് ഇന്റർനാഷണൽ റിക്രൂട്ടായിട്ടാണ് അദ്ദേഹം കരാർ ഒപ്പിട്ടത്.

ബി.ബി.എല്ലിലെ ഏറ്റവും സ്ഥിരതയാർന്ന ഫ്രാഞ്ചൈസികളിലൊന്നായ സിക്‌സേഴ്‌സ്, ജൂൺ 19ന് നടക്കാനിരിക്കുന്ന ഓവർസീസ് പ്ലെയേഴ്‌സ് ഡ്രാഫ്്റ്റിന് മുന്നോടിയായി ഈ സൈനിംഗ് സ്ഥിരീകരിച്ചു. ഓസ്‌ട്രേലിയൻ താരം സ്റ്റീവ് സ്മിത്തുമായി ചേരുമ്പോൾ സിക്‌സേഴ്‌സിന്റെ മുൻനിരക്ക് ബാബർ വലിയ കരുത്ത് പകരും.

ബാബറിനും സിക്‌സേഴ്‌സിനും ഇത് ഒരു വലിയ നീക്കമാണ്. ഡ്രാഫ്റ്റിന് മുന്നോടിയായി ഒരു വിദേശ താരത്തെ മുൻകൂട്ടി പ്രഖ്യാപിക്കുന്ന അവസാന ടീമാണ് സിക്‌സേഴ്‌സ്. ബി.ബി.എല്ലിൽ ആദ്യമായി കളിക്കുന്നതിൽ താൻ ആവേശത്തിലാണെന്ന് ബാബർ പറഞ്ഞു.

കരീബിയൻ പ്രീമിയർ ലീഗ്, ബംഗ്ലാദേശ് പ്രീമിയർ ലീഗ്, ലങ്ക പ്രീമിയർ ലീഗ്, ഇംഗ്ലണ്ടിന്റെ വൈറ്റാലിറ്റി ബ്ലാസ്റ്റ് ഉൾപ്പെടെ നിരവധി ലീഗുകളിലായി 320 ടി20 മത്സരങ്ങൾ കളിച്ച ബാബറിന് ഈ ഫോർമാറ്റിൽ വലിയ അനുഭവസമ്പത്തുണ്ട്. സമീപകാല പാകിസ്ഥാൻ സൂപ്പർ ലീഗ് സീസണിൽ അദ്ദേഹം പെഷവാർ സാൽമിയെ നയിക്കുകയും 10 ഇന്നിംഗ്‌സുകളിൽ നിന്ന് 128.57 സ്‌ട്രൈക്ക് റേറ്റിൽ 288 റൺസെടുത്ത് ടീമിന്റെ ടോപ് സ്‌കോററാവുകയും ചെയ്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്