ഐപിഎൽ മെഗാ ലേലം ഈ മാസം 24, 25 തീയതികളിൽ സൗദി അറേബ്യയിലെ ജിദ്ദയിൽ നടക്കും. ഐപിഎൽ 2025 സീസണിലെ ലേലത്തിൽ പങ്കെടുക്കാൻ 1574 കളിക്കാർ തങ്ങളുടെ പേര് രജിസ്റ്റർ ചെയ്തിട്ടുണ്ട്. 

ഇറ്റലിയിൽ നിന്നുള്ള ഒരു കളിക്കാരനും ഇതിൽ രജിസ്റ്റർ ചെയ്തിട്ടുണ്ട്. ഇതോടെ എന്ത് സംഭവിക്കുമെന്ന് അറിയാനുള്ള ആകാംക്ഷയിലാണ് ക്രിക്കറ്റ് ആരാധകർ. ഇപ്പോഴിതാ പുറത്തുവരുന്ന വിവരങ്ങള്‍ പ്രകാരം ഇറ്റാലിയന്‍ ഓള്‍ റൗണ്ടര്‍ താരമായ തോമസ് ഡ്രാക്കയാണ് ഇതെന്നാണ് റിപ്പോര്‍ട്ടുകള്‍ പറയുന്നത്.

കാനഡയില്‍ നടന്ന ഗ്ലോബര്‍ ടി20 ലീഗില്‍ ബ്രാപ്റ്റണ്‍ വോള്‍വ്‌സിന്റെ താരമായിരുന്ന തോമസ് ഡ്രാക്ക തന്റെ ഓള്‍ റൗണ്ട് മികവ് കൊണ്ട് ശ്രദ്ധിക്കപ്പെട്ടിരുന്നു.

കാനഡ ഗ്ലോബൽ ടി20 ലീഗിൽ കളിച്ച ആറ് മത്സരങ്ങളിൽ നിന്ന് 11 വിക്കറ്റുകളാണ് താരം നേടിയത്. ഇറ്റലിക്ക് വേണ്ടി അന്താരാഷ്ട്ര ക്രിക്കറ്റിൽ 4 ടി20 മത്സരങ്ങളിൽ നിന്ന് 8 വിക്കറ്റുകളും താരം നേടിയിട്ടുണ്ട്. 

ഐപിഎൽ ലേലത്തിൽ ഓൾറൗണ്ടർ വിഭാഗത്തിലാണ് ഡ്രാക്ക തൻ്റെ പേര് രജിസ്റ്റർ ചെയ്തത്. 30 ലക്ഷം രൂപയാണ് ഡ്രാക്ക അടിസ്ഥാന വിലയായി രേഖപ്പെടുത്തിയിരിക്കുന്നത്. താരലേലത്തിനുള്ള ചുരുക്കപ്പട്ടികയിൽ താരം ഇടംപിടിക്കുമോയെന്നറിയാൻ കാത്തിരിക്കുകയാണ് ആരാധകർ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്