ഇറ്റാലിയൻ സീരി എയിൽ സ്വന്തം മൈതാനത്ത് ആദ്യമായി ഈ സീസണിൽ പരാജയപ്പെട്ടു ലീഗിലെ ഒന്നാം സ്ഥാനക്കാരായ നാപോളി.

അറ്റ്‌ലാന്റ ആണ് തുടർച്ചയായ രണ്ടാം സീസണിലും മറഡോണ സ്റ്റേഡിയത്തിൽ 3-0ന് നാപോളിയെ പരാജയപ്പെടുത്തിയത്. അറ്റ്‌ലാന്റ ആധിപത്യം കണ്ട മത്സരത്തിൽ അഡ്‌മോള ലുക്മാന്റെ ഇരട്ട ഗോളുകളാണ് അറ്റലാന്റക്ക് വലിയ ജയം സമ്മാനിച്ചത്.

മത്സരത്തിൽ പത്താം മിനിറ്റിലും 31-ാമത്തെ മിനിറ്റിലും ചാൾസ് ഡ കെറ്റലാരെയുടെ പാസുകളിൽ നിന്നായിരുന്നു സീസണിൽ മികച്ച ഫോമിലുള്ള ലുക്മാന്റെ ഗോളുകൾ. മത്സരത്തിൽ ഇഞ്ച്വറി സമയത്ത് ബെല്ലനോവയുടെ പാസിൽ നിന്നുഗ്രൻ ഫോമിലുള്ള മറ്റെയോ റെറ്റഗുയി ആണ് അറ്റലാന്റ ജയം പൂർത്തിയാക്കിയത്. സീസണിൽ താരത്തിന്റെ ലീഗിലെ 11-ാമത്തെ ഗോളായിരുന്നു ഇത്. ജയത്തോടെ നാപോളിക്ക് 3 പോയിന്റ് പിറകിൽ രണ്ടാം സ്ഥാനത്താണ് അറ്റ്‌ലാന്റ ഇപ്പോൾ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്