വിജയ് ചിത്രം ‘ജനനായകൻ’ വീണ്ടും പ്രതിസന്ധിയിൽ; സെൻസർ പരിശോധന മാറ്റിവെച്ചു

MARCH 9, 2026, 1:37 AM

ചെന്നൈ: നടൻ വിജയ് നായകനാകുന്ന പുതിയ ചിത്രം ‘ജനനായകൻ’ വീണ്ടും പ്രതിസന്ധിയിൽ. സെൻസർ ബോർഡിന്റെ അനുമതി ലഭിക്കാത്തതിനാൽ ചിത്രത്തിന്റെ റിലീസ് വീണ്ടും അനിശ്ചിതത്വത്തിലായി എന്നാണ് ലഭിക്കുന്ന വിവരം.

ചിത്രം ഇന്ന് ഉച്ചയ്ക്ക് രണ്ട് മണിക്ക് മുമ്പ് പുനഃപരിശോധന സമിതി കാണുമെന്ന് മുമ്പ് അറിയിച്ചിരുന്നു. എന്നാൽ ഏറ്റവും പുതിയ വിവരങ്ങൾ പ്രകാരം ഇന്ന് ചിത്രം പരിശോധിക്കില്ലെന്നാണ് അറിയുന്നത്. സമിതിയിലെ ഒരാൾ രോഗബാധിതനായതിനാലാണ് പരിശോധന മാറ്റിവെച്ചതെന്നാണ് ലഭിക്കുന്ന വിശദീകരണം.

ഇന്ന് നിശ്ചയിച്ചിരുന്ന പരിശോധന നടന്നിരുന്നെങ്കിൽ ചിത്രം മെയ് മാസത്തിൽ തിയറ്ററുകളിലെത്തുമെന്നാണ് കരുതിയിരുന്നത്. എന്നാൽ പരിശോധന മാറ്റിവെച്ച സാഹചര്യത്തിൽ ഇനി ഇത് എപ്പോൾ നടക്കുമെന്ന് വ്യക്തമല്ല.