'രണ്ടുലക്ഷത്തി തൊള്ളായിരത്തി മുന്നൂറ്റി തൊണ്ണൂറ്റെട്ട് പേർ'; വിദ്യാഭ്യാസ മന്ത്രിക്ക് ട്രോള്‍ മഴ

MAY 26, 2026, 9:41 AM

തിരുവനന്തപുരം: സംസ്ഥാനത്തെ രണ്ടാംവർഷ ഹയർസെക്കൻഡറി, വൊക്കേഷണൽ ഹയർസെക്കൻഡറി പരീക്ഷാ ഫലപ്രഖ്യാപനത്തിന് പിന്നാലെ വിദ്യാഭ്യാസ മന്ത്രി എൻ. ഷംസുദീന് ട്രോൾ മഴ.

‘രണ്ടുലക്ഷത്തി തൊള്ളായിരത്തി മുന്നൂറ്റി തൊണ്ണൂറ്റെട്ടുപേർ’ ഉപരിപഠനത്തിന് യോഗ്യത നേടിയെന്ന് മന്ത്രി പറഞ്ഞതാണ് ട്രോളായത്. രണ്ടു ലക്ഷത്തി തൊണ്ണൂറായിരത്തി മുന്നൂറ്റി തൊണ്ണൂറ്റെട്ടു പേർ എന്ന് വായിക്കേണ്ട സ്ഥലത്താണ് മന്ത്രിക്ക് നാക്കുപിഴ പറ്റിയത്.ഇത്രവലിയ അക്കം വായിക്കുമ്പോള്‍ ആര്‍ക്കും പറ്റാവുന്ന പിഴവാണെങ്കിലും ഈ ഭാഗം മാത്രം കട്ട് ചെയ്ത് സോഷ്യല്‍ മീഡിയയില്‍ പ്രചരിപ്പിക്കുകയാണ് ട്രോളന്മാര്‍.

അതേസമയം, മുന്‍ മന്ത്രിയും ഇപ്പോഴത്തെ സ്പീക്കറുമായ തിരുവഞ്ചൂര്‍ രാധാകൃഷ്ണനും മുന്‍ വിദ്യാഭ്യാസ മന്ത്രി വി. ശിവന്‍കുട്ടിയും തുടങ്ങി നിരവധി പേർ ഇത്തരത്തിൽ നാക്കുപിഴയില്‍ കുരുങ്ങി എയറിലായവര്‍ ഏറെയാണ്.