ഹോളിവുഡിലെ പുതിയ ഹോട്ട് ജോഡി! പ്രണയാർദ്രമായ നിമിഷങ്ങൾ പങ്കുവെച്ച് കിമ്മും ലൂയിസും

AUGUST 18, 2026, 11:23 PM

ഹോളിവുഡിൽ പുതിയൊരു പ്രണയകഥ കൂടി ചൂടുപിടിക്കുകയാണോ? റിയാലിറ്റി സ്റ്റാർ കിം കർദാഷിയനും ഫോർമുല വൺ ചാമ്പ്യൻ ലൂയിസ് ഹാമിൽട്ടണും തമ്മിലുള്ള പ്രണയത്തെക്കുറിച്ചുള്ള ചർച്ചകളാണ് ഇപ്പോൾ ലോകമെമ്പാടുമുള്ള ആരാധകരെ ആവേശത്തിലാഴ്ത്തിയിരിക്കുന്നത്. തങ്ങളുടെ അവധിക്കാലാഘോഷങ്ങളുടെ ചിത്രങ്ങൾ സോഷ്യൽ മീഡിയയിലൂടെ പങ്കുവെച്ച് ഇരുവരും വീണ്ടും ഗോസിപ്പ് കോളങ്ങളിൽ സജീവമായിരിക്കുകയാണ്.

ഇൻസ്റ്റാഗ്രാമിൽ പങ്കുവെച്ച പുതിയ ചിത്രങ്ങളിൽ കിമ്മും ലൂയിസും ഒരുമിച്ചുള്ള പ്രണയാർദ്രമായ നിമിഷങ്ങളാണുള്ളത്. കടൽത്തീരത്തുകൂടി കൈകോർത്ത് നടക്കുന്നതും, ലൂയിസ് കിമ്മിന്റെ തോളിൽ കൈചേർത്തുനിൽക്കുന്നതുമായ ചിത്രങ്ങൾ ആരാധകർ ഏറ്റെടുത്തു കഴിഞ്ഞു. ഇതിനു പുറമെ സെൽഫിയും കിം പങ്കുവെച്ചിട്ടുണ്ട്. 'സെംവേർ ഓവർ ദി റെയിൻബോ' എന്ന പ്രണയഭരിതമായ ക്യാപ്ഷനോടെയാണ് കിം ഈ ചിത്രങ്ങൾ പോസ്റ്റ് ചെയ്തിരിക്കുന്നത്.

ഇതിനുമുമ്പ് ലൂയിസ് ഹാമിൽട്ടണും തന്റെ അവധിക്കാല ചിത്രങ്ങൾ സോഷ്യൽ മീഡിയയിൽ പങ്കുവെച്ചിരുന്നു. കിമ്മിനെ ഊഞ്ഞാലാട്ടുന്ന ലൂയിസിന്റെയും കുടുംബത്തോടൊപ്പം സമയം ചെലവഴിക്കുന്നതിന്റെയും ചിത്രങ്ങൾ അന്ന് ഏറെ ശ്രദ്ധിക്കപ്പെട്ടിരുന്നു. അവധിക്കാലം അടിച്ചുപൊളിച്ച് പുതിയ ഊർജ്ജത്തോടെ റേസിംഗ് ട്രാക്കിലേക്ക് മടങ്ങുകയാണെന്നാണ് ചിത്രങ്ങൾ പങ്കുവെച്ച് ലൂയിസ് കുറിച്ചത്. കിമ്മിന്റെ മക്കളായ ഷിക്കാഗോ, പ്സാം, സെന്റ് എന്നിവരും ഈ യാത്രകളിൽ ഇവർക്കൊപ്പം ഉണ്ടായിരുന്നു.

വർഷങ്ങളായി നല്ല സുഹൃത്തുക്കളായിരുന്ന ഇരുവരും തമ്മിലുള്ള സൗഹൃദം അടുത്തിടെയാണ് കൂടുതൽ അടുത്തത്. ഈ വർഷത്തിന്റെ തുടക്കം മുതൽ ഇരുവരും ഒരുമിച്ച് പൊതുവേദികളിലും ‍ ഡിന്നറുകളിലും പ്രത്യക്ഷപ്പെടാൻ തുടങ്ങിയതോടെയാണ് ഗോസിപ്പുകൾ ശക്തമായത്. തുടക്കത്തിൽ തങ്ങളുടെ ബന്ധം രഹസ്യമാക്കി വെക്കാൻ ശ്രമിച്ചെങ്കിലും, ഇപ്പോൾ സോഷ്യൽ മീഡിയയിലൂടെ തങ്ങളുടെ സന്തോഷ നിമിഷങ്ങൾ ആരാധകരുമായി പങ്കുവെക്കാൻ ഇവർ മടിക്കുന്നില്ല. ഹോളിവുഡിലെ ഏറ്റവും തിളക്കമുള്ള പുതിയ പവർ കപ്പിൾ ആയി ഇവർ മാറിക്കഴിഞ്ഞു എന്നാണ് ആരാധകരുടെ അഭിപ്രായം.