കാന്സറിനോട് പോരാടുന്നതിനിടയിലും തളരാത്ത ആത്മവിശ്വാസത്തോടെ ജീവിതത്തെ ചേര്ത്തുപിടിച്ച് മുന്നേറുകയാണ് ബിഗ് ബോസ് താരവും സോഷ്യല് മീഡിയ താരവുമായ രേണു സുധി. മൂന്നാമത്തെ കീമോ തെറാപ്പിയും കഴിഞ്ഞ് വിശ്രമത്തില് കഴിയുന്ന വേളയില് രേണു നടത്തിയ പുതിയ ഓണം ഫോട്ടോഷൂട്ട് ഇപ്പോള് സോഷ്യല് മീഡിയയില് വലിയ തരംഗമായി മാറിയിരിക്കുകയാണ്.
ചികിത്സയുടെ ഭാഗമായി തലമുടി നഷ്ടപ്പെട്ടെങ്കിലും അത് തന്റെ ആത്മവിശ്വാസത്തെ ഒട്ടും ചോര്ത്തിക്കളഞ്ഞിട്ടില്ലെന്ന് തെളിയിക്കുന്നതാണ് കേരള സാരിയിലുള്ള രേണുവിന്റെ പുതിയ ചിത്രങ്ങള്. ശരീരത്തിലെ വേദനകളെ മറന്ന്, മുഖത്ത് നിറഞ്ഞ ചിരിയുമായി നില്ക്കുന്ന രേണുവിന്റെ ഓരോ ചിത്രവും പ്രത്യാശയുടെയും അതിജീവനത്തിന്റെയും മനോഹരമായ നിമിഷങ്ങളെയാണ് അടയാളപ്പെടുത്തുന്നത്. ഫോട്ടോഗ്രാഫറായ ആതിര ജോയ് ആണ് ഈ മനോഹര ചിത്രങ്ങള് പകര്ത്തി ഇന്സ്റ്റഗ്രാമിലൂടെ പങ്കുവെച്ചിരിക്കുന്നത്. പ്രതിസന്ധികളില് തളരാതെ മുന്നേറുന്ന രേണുവിന് ഹൃദയം നിറഞ്ഞ ഓണാശംസകള് നേര്ന്നുകൊണ്ടാണ് ആതിര ചിത്രങ്ങള് പോസ്റ്റ് ചെയ്തത്.
മാസങ്ങള്ക്ക് മുന്പ് കാന്സര് സ്ഥിരീകരിച്ചത് മുതല് തന്റെ ചികിത്സാ പുരോഗതികളും അനുഭവങ്ങളും സോഷ്യല് മീഡിയയിലൂടെ രേണു ആരാധകരെ അറിയിക്കാറുണ്ടായിരുന്നു. അന്തരിച്ച കലാകാരന് കൊല്ലം സുധിയുടെ ഭാര്യയായ രേഷ്മ എന്ന രേണു സുധി, സുധിയുടെ അപ്രതീക്ഷിത വിയോഗത്തിന് ശേഷമാണ് ഇന്സ്റ്റഗ്രാം റീലുകളിലൂടെയും അഭിമുഖങ്ങളിലൂടെയും മലയാളി പ്രേക്ഷകരുടെ പ്രിയങ്കരിയായി മാറുന്നത്. രോഗാവസ്ഥയിലും തളരാതെ ഇന്സ്റ്റഗ്രാം റീലുകളിലും അഭിമുഖങ്ങളിലും സജീവമായി പങ്കെടുക്കുന്ന രേണുവിന്റെ ഈ ഉറച്ച നിലപാട് നിരവധി പേര്ക്കാണ് ജീവിതത്തില് മുന്നേറാനുള്ള പ്രചോദനമാകുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260822110447.jpg)
-20260819105914.jpg)
-20260820120215.jpg)
-20201010020208.jpg)
-20201113033643.jpg)
1-20260818034717.jpg)
-20201113034032.jpg)
