പ്രണയവാർത്തകളും വിവാഹ അഭ്യൂഹങ്ങളും ശക്തമായി നിലനിൽക്കെ, നടൻ വിജയ് ദേവെരകൊണ്ടയും നടി രശ്മിക മന്ദാനയും ഒന്നിച്ച് മുംബൈയിലെത്തി. ഞായറാഴ്ച രാത്രി വിമാനത്താവളത്തിൽ വെവ്വേറെ എത്തിയെങ്കിലും, പിന്നീട് ഒരേ കാറിലാണ് ഇരുവരും വിമാനത്താവളത്തിൽ നിന്ന് മടങ്ങിയത്. ഇതോടെ ഇവരുടെ പ്രണയവാർത്തകൾക്ക് വീണ്ടും ചൂടുപിടിച്ചിരിക്കുകയാണ്.

രശ്മിക ബ്രൗൺ ടോപ്പും നീല പാന്റും ധരിച്ചപ്പോൾ, കറുത്ത ടീഷർട്ടും ബ്രൗൺ ട്രൗസറുമായിരുന്നു വിജയിയുടെ വേഷം. വിമാനത്താവളത്തിൽ എത്തിയ ഇരുവരും മാധ്യമങ്ങൾക്ക് മുന്നിൽ പോസ് ചെയ്യാതെ വേഗത്തിൽ വാഹനത്തിൽ കയറാനാണ് ശ്രമിച്ചത്.

ഫെബ്രുവരി 26-ന് രാജസ്ഥാനിലെ ഉദയ്പൂരിലുള്ള ഒരു കൊട്ടാരത്തിൽ വെച്ച് ഇരുവരുടെയും വിവാഹം നടക്കുമെന്നാണ് മാധ്യമ റിപ്പോർട്ടുകൾ. വിവാഹ വീഡിയോയുടെ എക്സ്ക്ലൂസീവ് സ്ട്രീമിംഗ് അവകാശത്തിനായി ഒരു പ്രമുഖ ഒടിടി പ്ലാറ്റ്‌ഫോം വലിയ തുക വാഗ്ദാനം ചെയ്തെങ്കിലും, രശ്മികയും വിജയ്‌യും അത് നിരസിച്ചതായാണ് സൂചന. 

ചടങ്ങ് പൂർണ്ണമായും സ്വകാര്യമായി നടത്താനാണ് ഇവരുടെ തീരുമാനം. കഴിഞ്ഞ ഡിസംബറിൽ വിവാഹ വാർത്തകളോട് പ്രതികരിക്കാൻ രശ്മിക വിസമ്മതിച്ചിരുന്നു. ഉദയ്പൂരിലെ വിവാഹത്തിന് ശേഷം ഹൈദരാബാദിൽ വെച്ച് ഇരുവരും ചേർന്ന് ഒരു വിരുന്ന് സംഘടിപ്പിക്കുമെന്നും സൂചനയുണ്ട്. 

View this post on Instagram

A post shared by Kamlesh Nand (work) (@artistrybuzz_)