സോഷ്യൽ മീഡിയയിൽ അടുത്തിടെ ഏറെ ശ്രദ്ധ നേടിയ പേരുകളാണ് നാഗ സൈരന്ധ്രിയും ബാബു സ്വാമിയും. നാഗ സൈരന്ധ്രിക്കൊപ്പം ഒരു പൊതു വേദി പരിപാടിയിൽ പങ്കെടുത്തതോടെയാണ് ബാബു സ്വാമിയും സമൂഹമാധ്യമങ്ങളിൽ വൈറലായത്. സ്റ്റേജ് പരിപാടിക്കിടെ നാഗ ബാബു സ്വാമിയെ പരിചയപ്പെടുത്തിയതും ഇരുവരുടെയും സൗഹൃദവും സോഷ്യൽ മീഡിയയിൽ വലിയ ആഘോഷമായി മാറിയിരുന്നു.

നാഗ സൈരന്ധ്രിയുടെ ഡയലോഗുകൾ ഡിജെ ഗാനമായി പോലും പ്രചരിച്ചിരുന്നു. നാഗ ബാബു സ്വാമിയെക്കുറിച്ച് വേദിയിൽ പറഞ്ഞ വാക്കുകളാണ് സമൂഹമാധ്യമങ്ങളിൽ വൻ ചർച്ചയായത്.

എന്നാൽ, ഇപ്പോൾ വിഷയത്തിൽ വഴിത്തിരിവുണ്ടായിരിക്കുകയാണ്. ബാബു സ്വാമിയെ ഇൻസ്റ്റഗ്രാമിലും വാട്സാപ്പിലും ബ്ലോക്ക് ചെയ്തതായി നാഗ സൈരന്ധ്രി വെളിപ്പെടുത്തി. ഒരു ടെലിവിഷൻ ചാനലിന് നൽകിയ അഭിമുഖത്തിനിടെയാണ് അദ്ദേഹം ഇക്കാര്യം വ്യക്തമാക്കിയത്.

സോഷ്യൽ മീഡിയയിൽ ബാബു സ്വാമി വൈറലായതിനെക്കുറിച്ച് സംസാരിക്കുമ്പോൾ തന്റെ പേര് അദ്ദേഹം പരാമർശിച്ചില്ലെന്നാണ് നാഗ സൈരന്ധ്രിയുടെ ആരോപണം. മുൻപ് ഇത്തരം നിരവധി പരിപാടികളിൽ ബാബു സ്വാമി പങ്കെടുത്തിട്ടുണ്ടെങ്കിലും അന്നൊന്നും അദ്ദേഹം വൈറലായിരുന്നില്ലെന്നും നാഗ പറഞ്ഞു.

താനാണ് ബാബു സ്വാമിയുടെ പേര് വേദിയിൽ പറഞ്ഞതെന്നും, നൃത്തം ചെയ്തതും ആ ദിനത്തിന്റെ മനോഹരമായ ഓർമ്മകൾ പങ്കുവെച്ചതും തന്റെ അവതരണ ശൈലിയുമാണ് ബാബു സ്വാമിയെ വൈറലാക്കിയതെന്നും നാഗ സൈരന്ധ്രി വ്യക്തമാക്കി. അതിനാൽ തന്നെ ആ അംഗീകാരം ലഭിക്കണമെന്ന നിലപാടും നാഗ  വ്യക്തമാക്കി.

ഈ വിഷയത്തിൽ സമൂഹമാധ്യമങ്ങളിൽ വ്യത്യസ്ത അഭിപ്രായങ്ങളാണ് ഉയരുന്നത്. നാഗ സൈരന്ധ്രിയുടെ പ്രതികരണം പുതിയ ചർച്ചകൾക്ക് വഴിതുറന്നിരിക്കുകയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്