വിവാഹം ജീവിതത്തിന്റെ അവസാന വാക്കല്ല, സ്ത്രീകൾക്ക് സ്വാതന്ത്ര്യം വേണമെന്ന് മഞ്ജു വാര്യർ

JANUARY 20, 2026, 12:30 AM

മലയാളികളുടെ എക്കാലത്തെയും പ്രിയപ്പെട്ട നടിയാണ് മഞ്ജു വാരിയർ. കേരള വനിതാ കമ്മീഷന്റെ “പറന്നുയരാം കരുത്തോടെ” എന്ന ക്യാമ്പെയ്‌ന്റെ ബ്രാൻഡ് അംബാസഡർ ആണ് മഞ്ജു. സ്ത്രീകളുടെ സ്വാതന്ത്ര്യവും വ്യക്തിപരമായ തീരുമാനങ്ങളും അനിവാര്യമാണെന്ന് ക്യാമ്പെയ്‌നിൽ മഞ്ജു പറഞ്ഞു.

കുട്ടികൾക്ക് വിവാഹം ചെയ്യണമോ വേണ്ടയോ എന്ന് തീരുമാനിക്കാൻ സ്വാതന്ത്ര്യം വേണം എന്നും മാതാപിതാക്കളുടെ പിന്തുണ വലിയ മാറ്റം വരുത്തുന്നു എന്നും മഞ്ജു പറഞ്ഞു. “വിവാഹം ജീവിതത്തിലെ അവസാന കാര്യമല്ല. കുട്ടികൾ തങ്ങളുടെ ജീവിതം തീരുമാനിക്കാൻ ധൈര്യമുള്ളതും, മാതാപിതാക്കൾ പിന്തുണയ്ക്കുന്നതും സമൂഹത്തിന് നല്ല മാറ്റമാണ്” എന്നും മഞ്ജു പറഞ്ഞു.

അതേസമയം മലയാളത്തിൽ പൃഥ്വിരാജ് സംവിധാനം ചെയ്ത ‘എമ്പുരാൻ’ ആണ് മഞ്ജു അവസാനമായി ചെയ്ത മലയാള ചിത്രം. ഇപ്പോൾ ബോളിവുഡിൽ ‘അമേരിക്കി പണ്ഡിറ്റ്’ എന്ന ചിത്രത്തിലൂടെ അരങ്ങേറ്റത്തിനും ഒരുങ്ങുകയാണ് മഞ്ജു.