'ഹേരാ ഫേരി 3' വിവാദങ്ങളോട് പ്രതികരിച്ച് അക്ഷയ് കുമാർ

MAY 28, 2025, 1:04 AM

പ്രിയദര്‍ശന്‍ ചിത്രത്തില്‍നിന്ന് പിന്മാറിയതിന് വക്കീല്‍ നോട്ടീസ് അയച്ചതുമായി ബന്ധപ്പെട്ട വിവാദങ്ങളില്‍ പ്രതികരിച്ച് നടന്‍ അക്ഷയ് കുമാര്‍.

പരേഷ് റാവല്‍ തന്റെ സുഹൃത്താണെന്നും താന്‍ ആരാധിക്കുന്ന നടനാണ് അദ്ദേഹമെന്നും അക്ഷയ് കുമാര്‍ പറഞ്ഞു. ഹൗസ്ഫുള്‍ 5-ന്റെ ട്രെയ്‌ലര്‍ ലോഞ്ചിലായിരുന്നു ചോദ്യവും മറുപടിയും.

'30 വര്‍ഷമായി ഞാന്‍ പരേഷ് റാവലിനൊപ്പം പ്രവര്‍ത്തിക്കുന്നു. അദ്ദേഹത്തോടൊപ്പം ഒരുപാട് ചിത്രങ്ങളില്‍ പ്രവര്‍ത്തിച്ചിട്ടുണ്ട്. ഞാന്‍ അദ്ദേഹത്തെ ശരിക്കും ആരാധിക്കുന്നു. അദ്ദേഹത്തെ ഒരു സുഹൃത്തായാണ് ഞാന്‍ കാണുന്നത്', അക്ഷയ് കുമാര്‍ പറഞ്ഞു.

'ഹേരാ ഫേരി 3-യുമായി ബന്ധപ്പെട്ട കാര്യങ്ങള്‍ ഇപ്പോള്‍ നിയമപ്രശ്‌നമാണ്. എന്തുസംഭവിച്ചാലും അത് കോടതിയില്‍ കൈകാര്യംചെയ്യാം. എന്നാല്‍, പരേഷ് റാവല്‍ എന്റെ സുഹൃത്താണ്. അദ്ദേഹത്തെ ഞാന്‍ ആരാധിക്കുന്നു', അക്ഷയ് കുമാര്‍ കൂട്ടിച്ചേര്‍ത്തു.

അക്ഷയ് കുമാര്‍ നിര്‍മിക്കുന്ന ഹേരാ ഫേരി 3-ല്‍നിന്ന് പ്രതിഫലത്തിന്റെ ആദ്യഗഡു സ്വീകരിച്ചതിന് പിന്നാലെ പരേഷ് റാവല്‍ പിന്മാറിയതില്‍ വക്കീല്‍ നോട്ടീസ് അയച്ച സംഭവത്തില്‍ പ്രതികരണം തേടിയപ്പോഴായിരുന്നു അക്ഷയ് കുമാറിന്റെ പ്രതികരണം.