പാലക്കാട്: ബി.ജെ.പിയുമായി ഭിന്നതയിൽ കഴിയുന്ന സന്ദീപ് വാര്യരെ സ്വീകരിക്കുന്ന കാര്യത്തിൽ നിലപാട് വ്യക്തമാക്കി സി.പി.ഐ നേതൃത്വം. സി.പി.ഐ ജില്ലാ സെക്രട്ടറി കെ.പി. സുരേഷ് രാജ് ആണ്  പ്രതികരിച്ചത്.

സി.പി.ഐയിലേക്ക് വരാൻ തയ്യാറുള്ളവരെ സ്വീകരിക്കും. ഇതുമായി ബന്ധപ്പെട്ട് ചർച്ചകൾ നടന്നുവരികയാണെന്നും അദ്ദേഹം വ്യക്തമാക്കി. സന്ദീപ് വാര്യരുമായി സംസാരിച്ചുവെന്ന വാർത്തകളും സി.പി.ഐ തള്ളിയില്ല.

പാലക്കാട് ഉപതെരഞ്ഞെടുപ്പിന് മുമ്പായി  സന്ദീപ് വാര്യർ ബി.ജെ.പി വിടുമോ എന്നാണ് രാഷ്ട്രീയകേരളം ഉറ്റുനോക്കുന്നത്. സന്ദീപ് സി.പി.ഐയുടെ മണ്ണാർക്കാട്ടെ പ്രദേശികനേതാക്കളുമായി കൂടിക്കാഴ്ച നടത്തിയെന്ന രീതിയില്‍ റിപ്പോർട്ടുകളുണ്ടായിരുന്നു.

എൻ.ഡി.എ കണ്‍വെന്‍ഷൻ വേദിയില്‍ സീറ്റ് ലഭിക്കാത്തതിനെ തുടർന്നാണ് സന്ദീപും പാർട്ടിയും ഇടഞ്ഞത്. അദ്ദേഹത്തെ അനുനയിപ്പിക്കാനുള്ള ബി.ജെ.പി ശ്രമങ്ങള്‍ ഫലംകണ്ടിരുന്നില്ല.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്