തിരുവനന്തപുരം: വിഴിഞ്ഞം തുറമുഖത്തെ അദാനിയുടെ ഓഹരി കൈമാറ്റത്തിന് തടയിടാന് കോണ്ഗ്രസ് ഹൈക്കമാന്റ്. അദാനിയുടെ നിയമവിരുദ്ധ നടപടി അനുവദിക്കരുതെന്നാണ് ഹൈക്കമാന്റിന്റെ നിലപാട്.
സംസ്ഥാന സര്ക്കാരിനെ അറിയിക്കാതെ ഓഹരി കൈമാറിയത് കരാര് ലംഘനമാണ്. വിഴിഞ്ഞം തുറമുഖത്തെ ഇടപാടുകള് സുതാര്യമാക്കണം. സംശയത്തിന്റെ കണികകള് ഉണ്ടാകാന് പാടില്ലെന്നുമാണ് കോണ്ഗ്രസ് നിലപാട്.വിഴിഞ്ഞത്തെ ഓഹരികള് എംഎസ്സി കമ്പനിക്ക് നല്കിയതില് നേരത്തെ മുഖ്യമന്ത്രി വി ഡി സതീശന് അദാനി ഗ്രൂപ്പിനെ അതൃപ്തി അറിയിച്ചിരുന്നു. ഹൈക്കമാന്റ് നിര്ദേശത്തെ തുടര്ന്നാണ് മുഖ്യമന്ത്രി അദാനി ഗ്രൂപ്പിനെ അതൃപ്തി അറിയിച്ചത്.
അദാനി ഗ്രൂപ്പിന്റെ ഉപസ്ഥാപനമായ അദാനി പോര്ട്ട്സിന് കീഴിലെ അദാനി വിഴിഞ്ഞം പോര്ട്ട് പ്രൈവറ്റ് ലിമിറ്റഡിന്റെ (എവിപിപിഎല്) 49 ശതമാനം ഓഹരികള് എംഎസ്സിക്ക് കൈമാറുന്നുവെന്നായിരുന്നു വാര്ത്തകള്. എംഎസ്സി ഗ്രൂപ്പിന്റെ ടെര്മിനല് വിഭാഗമായ ടെര്മിനല് ഇന്വെസ്റ്റ്മെന്റ് ലിമിറ്റഡിന്റെ (TiL) ഉപസ്ഥാപനമായ 'മുന്ഡി ലിമിറ്റഡ്' ഓഹരികള് സ്വന്തമാക്കുന്നുവെന്നായിരുന്നു പുറത്തുവന്ന വിവരം. ഏകദേശം 13,270 കോടി രൂപയ്ക്കായിരുന്നു കൈമാറ്റം.
ഓഹരി കൈമാറ്റം നടത്തണമെങ്കില് സര്ക്കാര് അനുമതി വേണമെന്നും തുടര് തീരുമാനം കര്ശന പരിശോധനയ്ക്ക് ശേഷം മാത്രമാകുമെന്നുമാണ് വി ഡി സതീശന് അറിയിച്ചത്. സംസ്ഥാന സര്ക്കാരിനെ അറിയിക്കുകയോ കൂടിയാലോചനയോ ഇല്ലാതെയാണ് വിഴിഞ്ഞം തുറമുഖത്തിന്റെ 49 ശതമാനം ഓഹരികള് കൈമാറിയത്. സര്ക്കാരിന്റെ അനുമതിയോട് കൂടി മാത്രമേ വിഴിഞ്ഞത്തെ ഓഹരി ഘടനയില് മാറ്റം വരുത്താനാകൂ എന്നും സര്ക്കാര് അദാനി ഗ്രൂപ്പിനെ അറിയിച്ചിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
