1-20260808031422.jpg)
കൊല്ലം: അലിമുക്കിൽ പിടികൂടിയ പുലിയെ അച്ചൻകോവിൽ ഉൾവനത്തിൽ തുറന്നുവിട്ടതോടെ പ്രദേശവാസികൾ ഭീതിയിൽ. അലിമുക്കിലെ പുലിപ്പേടി ഒഴിഞ്ഞെങ്കിലും പുലിയെ ജനവാസ മേഖലയോട് ചേർന്നുള്ള അച്ചൻകോവിൽ വനത്തിൽ തുറന്നുവിട്ടതാണ് നാട്ടുകാരിൽ ആശങ്ക ഉയർത്തിയത്. സംഭവത്തിൽ വനംവകുപ്പിനെതിരെ ശക്തമായ പ്രതിഷേധവുമായി നാട്ടുകാർ രംഗത്തെത്തി.
പുലിയെ വനത്തിൽ തുറന്നുവിട്ട ശേഷം മടങ്ങിയെത്തിയ വനപാലകരെ നാട്ടുകാർ തടഞ്ഞുവയ്ക്കുകയും ചെയ്തു. റാന്നി വനത്തിൽ പുലിയെ തുറന്നുവിടാനായിരുന്നു ആദ്യം തീരുമാനിച്ചിരുന്നത്. എന്നാൽ കനത്ത മഴയും മൂടൽമഞ്ഞും കാരണം അവിടേക്കുള്ള നീക്കം ഉപേക്ഷിക്കുകയായിരുന്നു.
തുടർന്ന് കഴിഞ്ഞ ദിവസം അർധരാത്രിയോടെ വനപാലക സംഘം പുലിയെ അച്ചൻകോവിൽ ഉൾവനത്തിലെത്തിച്ച് തുറന്നുവിട്ടെന്നാണ് നാട്ടുകാരുടെ ആരോപണം. എന്നാൽ പുലിയെ എവിടെയാണ് തുറന്നുവിട്ടതെന്ന് നാട്ടുകാരെ ഔദ്യോഗികമായി അറിയിച്ചിരുന്നില്ല.
തൊട്ടടുത്ത ദിവസം ഉച്ചയോടെ പുലിക്കൂടുമായി വനപാലകരുടെ വാഹനങ്ങൾ തിരികെ വരുന്നത് കണ്ടതോടെയാണ് പുലിയെ അച്ചൻകോവിൽ വനത്തിൽ തുറന്നുവിട്ടതായി നാട്ടുകാർ മനസ്സിലാക്കിയത്. ഇതോടെയാണ് നാട്ടുകാർ സംഘടിച്ച് പ്രതിഷേധം ആരംഭിച്ചത്.
വനംവകുപ്പിന്റെ നടപടിയിൽ ആശങ്ക രേഖപ്പെടുത്തിയ നാട്ടുകാർ പുലിയെ ജനവാസ മേഖലയോട് ചേർന്നുള്ള വനത്തിൽ തുറന്നുവിട്ടത് സുരക്ഷാ ഭീഷണി സൃഷ്ടിക്കുമെന്ന് ആരോപിച്ചു. തുടർന്ന് വനപാലകരെ തടഞ്ഞുവെച്ചും പ്രതിഷേധം ശക്തമാക്കി.
സംഭവത്തിന് പിന്നാലെ വനംവകുപ്പ് അധികൃതർ നാട്ടുകാരുമായി ചർച്ച നടത്തി. ഇനി ഇത്തരം നടപടികൾ ഉണ്ടാകില്ലെന്ന് വനംവകുപ്പ് ഉറപ്പ് നൽകി. പ്രശ്നം ചർച്ച ചെയ്യുന്നതിനായി ഡി.എഫ്.ഒയുടെ നേതൃത്വത്തിൽ അടുത്ത ദിവസം സർവകക്ഷി യോഗം വിളിച്ചുചേർക്കാനും തീരുമാനമായി.
വനംവകുപ്പിന്റെ ഉറപ്പിനെ തുടർന്നാണ് നാട്ടുകാർ പ്രതിഷേധത്തിൽ നിന്ന് പിന്മാറിയത്. എന്നാൽ പുലിയെ തുറന്നുവിട്ട സ്ഥലത്തെക്കുറിച്ചും പ്രദേശത്തെ ജനങ്ങളുടെ സുരക്ഷ ഉറപ്പാക്കുന്നതിലും ആശങ്ക തുടരുകയാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260812024822.jpg)
1-20260808031425.jpg)
1-20260812023322.jpg)
1-20260811105058.jpg)
