ആലപ്പുഴ: ആലപ്പുഴ ദേശീയപാതയില് ഗര്ത്തം രൂപപ്പെട്ട സംഭവത്തില് കരാര് കമ്പനിക്ക് സംഭവിച്ചത് ഗുരുതര വീഴ്ചയെന്ന് റിപ്പോർട്ട്. ഹരിയാനയില് നിന്നുള്ള കരാര് കമ്പനി കെസിസിയാണ് നിര്മാണം നടത്തിയത്.
നിർമ്മാണങ്ങൾക്കായി ഉപയോഗിക്കാന് പാടില്ലാത്ത കായല് മണല് നിര്മ്മാണത്തിനുപയോഗിച്ചെന്നാണ് കണ്ടെത്തല്.
55,000 ലോഡ് കായല് മണല് നിര്മ്മാണത്തിന് ഉപയോഗിച്ചെന്നാണ് കണ്ടെത്തല്. ദേശീയപാത നിര്മ്മാണം അശാസ്ത്രീയമെന്നും അന്വേഷണം വേണമെന്നും ആവശ്യപ്പെട്ട് കോണ്ഗ്രസ് രംഗത്ത് വന്നു. വലിയ അഴിമതിയാണ് ഇതില് നടന്നതെന്നും കോണ്ഗ്രസ് ആരോപിച്ചു.
ഭൂമി നികത്താന് മാത്രമേ കായല് മണല് ഉപയോഗിക്കാന് കഴിയൂ എന്ന ഉത്തരവ് മറികടന്നാണ് കരാര് കമ്പനിയുടെ നിര്മാണം. കോസ്റ്റല് ഷിപ്പിങ് ആന്റ് ഇന്ലാന്റ് നാവിഗേഷന് വകുപ്പ് ഉത്തരവിലും നിര്മ്മാണ പ്രവര്ത്തികള്ക്ക് കായല് മണല് യോഗ്യമല്ലെന്ന് പറയുന്നുണ്ട്.
നാവിഗേഷന് വകുപ്പ് കരാര് കമ്പനിക്ക് സൗജന്യമായി കായല് മണ്ണെടുക്കാന് അനുമതി നല്കിയിരുന്നെങ്കിലും ഇത് ഭൂമി നികത്താന് മാത്രമേ ഉപയോഗിക്കാവൂ എന്ന് ഉത്തരവില് പ്രത്യേകം സൂചിപ്പിച്ചിരുന്നു.
തുറവൂര് മുതല് ഓച്ചിറ വരെ പലയിടങ്ങളിലായുള്ള ഉയരപ്പാതകളില് നിറച്ചിരിക്കുന്നത് കായല് മണ്ണാണ്. ഇതിലൂടെ കോടികളുടെ ലാഭമാണ് കരാര് കമ്പനിക്ക് ലഭിക്കുന്നത്. പൈപ്പ് പൊട്ടിയതിനെ തുടര്ന്ന് കായല് മണ്ണ് കോണ്ക്രീറ്റ് പാളികളിലൂടെ ഒലിച്ചിറങ്ങിയതാണ് ചേര്ത്തലയില് ദേശീയ പാതയില് ഗര്ത്തം രൂപപ്പെടാന് കാരണം എന്നാണ് വിലയിരുത്തല്. 12 അടി താഴ്ചയുള്ള ഭീമന് ഗര്ത്തമാണ് രൂപപ്പെട്ടത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260702072401.jpg)
