-20250831020449.jpg)
കൊച്ചി: ജെ.എല്.എന് സ്റ്റേഡിയം മുതല് കാക്കനാട് വഴി ഇന്ഫോപാര്ക്ക് വരെയുള്ള കൊച്ചി മെട്രോ റെയില് പദ്ധതിയുടെ രണ്ടാം ഘട്ടത്തിനായി ഏഷ്യന് ഇന്ഫ്രാസ്ട്രക്ചര് ഇന്വെസ്റ്റ്മെന്റ് ബാങ്കില് നിന്ന് 1016.24 കോടി രൂപ വായ്പയെടുക്കുന്നതിന് കൊച്ചി മെട്രോ റെയില് ലിമിറ്റഡിന് അനുമതി.
അതിവേഗത്തില് പുരോഗമിക്കുന്ന പദ്ധതി സമയബന്ധിതമായി പൂര്ത്തിയാക്കാനാണ് ഈ തുക ചെലവഴിക്കുക എന്ന് മന്ത്രി പി രാജീവ് ഫേസ്ബുക്ക് പോസ്റ്റിലൂടെ അറിയിച്ചു. ആകെ 10 സ്റ്റേഷനുകളാണ് 10.58 കിലോമീറ്റര് ദൂരമുള്ള ഈ റൂട്ടിലുള്ളത്.
പാലാരിവട്ടം, ആലിന്ചുവട്, ചെമ്പുമുക്ക്, വാഴക്കാല, പടമുഗള്, സിവില്സ്റ്റേഷന് ജംഗ്ഷന്, കൊച്ചിന് സെസ്, ചിറ്റേത്തുകര, കിന്ഫ്ര പാര്ക്ക്, ഇന്ഫോപാര്ക്ക് എന്നിവയാണ് സ്റ്റേഷനുകള്. ഒരേസമയം തന്നെ എല്ലായിടത്തും പ്രവൃത്തി നടത്തുന്നതിനാല് പദ്ധതി പെട്ടെന്ന് പുരോഗമിക്കുകയാണ്.
2017ല് സംസ്ഥാന സര്ക്കാര് അംഗീകരിച്ച ഇന്ഫോപാര്ക്ക് പാതയ്ക്ക് 2022ല് മാത്രമാണ് കേന്ദ്ര ക്യാബിനറ്റിന്റെ അനുമതി കിട്ടിയത്. എന്നാല് പദ്ധതിക്കുള്ള തുക കേന്ദ്രം വെട്ടിക്കുറച്ചതോടെ വിദേശവായ്പ ഏജന്സി പിന്മാറിയതിനാല് നിര്മാണം വീണ്ടും വൈകിയെങ്കിലും ഇതെല്ലാം മറികടന്നാണ് രണ്ടാംഘട്ട നിര്മാണ പ്രവര്ത്തനങ്ങള് തുടരുന്നതെന്നും പി രാജീവ് പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260324101520.jpg)
1-20260324085904.jpg)
-20251211083427.jpg)
-20201002124553.jpg)
-20250709120616.jpg)
