ചലച്ചിത്ര താരങ്ങൾക്കെതിരെ പരാതി നൽകിയ കൊച്ചിയിലെ ഡോക്ടർ ജോൺസൺ ജെ. വർഗീസിനെതിരെ പീഡനക്കേസ് രജിസ്റ്റർ ചെയ്തതോടെ ഡോക്ടർ മർദനക്കേസിൽ പുതിയ വഴിത്തിരിവ്. ഇൻഫോപാർക്ക് പോലീസ് ആണ് ഡോക്ടർക്കെതിരെ ഗുരുതരമായ വകുപ്പുകൾ ചുമത്തി കേസെടുത്തത്. ഈ കേസിൽ ഇൻഫോപാർക്ക് പോലീസ് അന്വേഷണം ഊർജിതമാക്കിയിട്ടുണ്ട്.

നേരത്തെ, ഡോക്ടറെ മർദിച്ച കേസിൽ അതുല്യ ചന്ദ്ര, ബിപിൻ, വിഷ്ണു എന്നിവരുൾപ്പെടെയുള്ള പ്രതികളെ അറസ്റ്റ് ചെയ്തിരുന്നു. ഇപ്പോൾ, ഈ കേസിലെ പ്രതികളിലൊരാളുടെ ബന്ധുവായ യുവതിയാണ് ഡോക്ടർക്കെതിരെ പരാതിയുമായി രംഗത്തെത്തിയിരിക്കുന്നത്. യുവതിയുടെ പരാതിയുടെ അടിസ്ഥാനത്തിൽ ഡോക്ടർ ജോൺസൺ ജെ. വർഗീസിനെതിരെ ബലാത്സംഗക്കുറ്റം ചുമത്തി കേസെടുത്തു.

ഡോക്ടറുടെ ഫോണിൽ നിന്ന് ലഭിച്ച നിരവധി അശ്ലീല ദൃശ്യങ്ങൾ യുവതി പോലീസിന് കൈമാറിയിട്ടുണ്ട്. ഡോക്ടർക്ക് പ്രതിയുടെ ബന്ധുവായ യുവതിയുമായി സൗഹൃദമുണ്ടായിരുന്നു എന്ന് എഫ്ഐആറിൽ പറയുന്നു. ഈ സൗഹൃദവുമായി ബന്ധപ്പെട്ട തർക്കങ്ങളാണ് ഡോക്ടർക്ക് നേരെയുണ്ടായ ആക്രമണങ്ങൾക്ക് പിന്നിലെ പ്രാഥമിക വിവരങ്ങൾ.

അതുല്യ ചന്ദ്രയാണ് ഈ ആക്രമണങ്ങൾക്ക് പിന്നിൽ പ്രവർത്തിച്ചതെന്ന് പോലീസ് നേരത്തെ വെളിപ്പെടുത്തിയിരുന്നു. മറുവശത്തുനിന്നുള്ള ഈ നീക്കങ്ങൾ കേസിന് പുതിയ മാനം നൽകിയിട്ടുണ്ട്. കൊച്ചിയിലെ പൊന്നുരുന്നിയിലുള്ള ഒരു ആഡംബര അപ്പാർട്ട്മെന്റിലാണ് നാടകീയമായ മർദന സംഭവങ്ങൾ അരങ്ങേറിയത്.

നടി അതുല്യ ചന്ദ്രയുടെ അടുത്ത ബന്ധുവും ആസ്റ്റർ മെഡിസിറ്റിയിലെ ഡോക്ടറുമായുള്ള സ്വകാര്യ ചിത്രങ്ങളും സന്ദേശങ്ങളും അതുല്യയുടെ കയ്യിൽ ഇരുരുടെയും ഫോണുകളിൽ നിന്ന് ലഭിച്ചതിനെ തുടർന്നാണ് പ്രശ്നങ്ങളുടെ തുടക്കം. ഇതിനെ തുടർന്ന് അതുല്യയും അടുത്ത സൗഹൃദമുള്ള വെയ്ഫെയറർ ഫിലിംസ് സിഒഒ ബിബിൻ പെരുമ്പിള്ളിയും ചേർന്ന് വലിയ തട്ടിപ്പിന് പദ്ധതിയിട്ടു എന്ന പരാതിയും ഉയർന്നു.

ഡോക്ടറെ ആക്രമിച്ച സംഭവത്തിൽ ചലച്ചിത്ര താരങ്ങൾക്കും മറ്റുള്ളവർക്കുമെതിരെ കടവന്ത്ര പോലീസ് കേസെടുത്ത് അന്വേഷണം മുന്നോട്ട് കൊണ്ടുപോവുകയാണ്. ഈ കേസിലെ ചില പ്രതികളെ ഇതിനോടകം റിമാൻഡ് ചെയ്തിട്ടുണ്ട്. ഒളിവിലുള്ള മറ്റുള്ളവർക്കായി പോലീസ് സംഘങ്ങൾ ഊർജിതമായ തിരച്ചിൽ നടത്തുന്നുണ്ട്.

ഈ ഘട്ടത്തിലാണ് ഡോക്ടർക്കെതിരെ പീഡന പരാതിയും കേസുമെടുത്തിരിക്കുന്നത്. ഇൻഫോപാർക്ക്, കടവന്ത്ര പോലീസ് സ്റ്റേഷനുകൾ കർശനമായ നിയമനടപടികളുമായി മുന്നോട്ട് പോകാൻ തീരുമാനിച്ചിട്ടുണ്ട്. ഇരുപക്ഷവും ഉന്നയിച്ച പരാതികളിൽ സമഗ്രമായ അന്വേഷണം നടത്തുമെന്ന് അധികൃതർ അറിയിച്ചു.

ഈ കേസ് സാമൂഹിക മാധ്യമങ്ങളിലും സാംസ്കാരിക വൃത്തങ്ങളിലും വലിയ ചർച്ചയായി മാറിയിട്ടുണ്ട്.

English Summary: A new twist has emerged in the Kochi doctor assault case, with a harassment complaint filed against Dr. Johnson J. Varghese, the initial complainant against film actors. Infopark police have registered a serious case against the doctor based on a complaint from a relative of an accused in the assault case. The woman submitted the doctors phone containing obscene visuals to the police, with preliminary findings suggesting disputes related to their friendship led to the assault.

Tags: Malayalam News, News Malayalam, Latest Malayalam News, Vachakam News, Kochi Doctor Assault Case, Dr Johnson J Varghese, Harassment Case, Infopark Police, Athulya Chandra, Sexual Harassment

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്