ബെംഗളൂരു: പ്രധാനമന്ത്രി നരേന്ദ്ര മോദിയുടെ പിൻഗാമിയായി കേന്ദ്രമന്ത്രി നിതിൻ ഗഡ്കരി വരണമെന്ന് കോൺഗ്രസ് നേതാവും കർണാടക എംഎൽഎയുമായ ബേലൂർ ഗോപാലകൃഷ്ണ. 

75 വയസ്സ് തികഞ്ഞവർ മാറിനിൽക്കണമെന്ന ആർഎസ്എസ് മേധാവി മോഹൻ ഭാഗവതിന്റെ പരാമർശം ചർച്ചയായതിനു പിന്നാലെയാണ് ഗോപാലകൃഷ്ണയുടെ നിർദേശം.

‘‘ഗഡ്കരി രാജ്യത്തിന്റെ അടുത്ത പ്രധാനമന്ത്രിയാകണം. ഗഡ്കരി സാധാരണക്കാരനോടൊപ്പമാണ്. ദേശീയപാതയടക്കമുള്ള വിഷയങ്ങളിൽ അദ്ദേഹം രാജ്യത്തിന്റെ വികസനത്തിനായി നല്ലത് ചെയ്തിട്ടുണ്ട്. ചെയ്ത സേവനങ്ങളിലൂടെ അദ്ദേഹം എങ്ങനെയുള്ള വ്യക്തിയാണെന്നു രാജ്യത്തെ ജനങ്ങള്‍ക്ക് അറിയാം’’ – ബേലൂർ ഗോപാലകൃഷ്ണ പറഞ്ഞു.

‘‘75 വയസ്സ് തികഞ്ഞവര്‍ സ്ഥാനമൊഴിയേണ്ടി വരുമെന്ന് മോഹന്‍ ഭാഗവത് സൂചിപ്പിച്ചിട്ടുണ്ട്. അതിനാല്‍ ഗഡ്കരിക്കുള്ള സമയം വന്നെന്ന് എനിക്ക് തോന്നുന്നു. 75 വയസ്സ് തികഞ്ഞതിന്റെ പേരില്‍ യെഡിയൂരപ്പയെ കര്‍ണാടകയുടെ മുഖ്യമന്ത്രിസ്ഥാനത്ത് നിന്ന് രാജിവയ്പ്പിച്ചു. എന്തുകൊണ്ടാണ് മോദിക്ക് വ്യത്യസ്ത പരിഗണന നല്‍കുന്നത്’’ – ബേലൂർ ഗോപാലകൃഷ്ണ പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്