പെൺകുട്ടിക്ക് മറ്റൊരു ബന്ധമെന്ന് സംശയം; വിദ്യാർഥിനിയെ കുത്തി മൃതദേഹം കത്തിച്ച് ആൺസുഹൃത്ത്

JUNE 2, 2025, 11:53 PM

ഡൽഹി: വിദ്യാർത്ഥിനിയെ ക്രൂരമായി കൊലപ്പെടുത്തിയ ശേഷം മൃതദേഹം പെട്രോളൊഴിച്ച് കത്തിക്കാൻ ശ്രമിച്ച സംഭവത്തിൽ ആൺ സുഹൃത്ത് പൊലീസിന്റെ പിടിയിലായതായി റിപ്പോർട്ട്. ഡൽഹി സർവകലാശാല സ്കൂൾ ഓഫ് ഓപ്പൺ ലേണിങ്ങിലെ ബിഎ വിദ്യാർത്ഥിനിയാണ് കൊല്ലപ്പെട്ടത്.

സംഭവത്തിന് പിന്നാലെ ബികോം വിദ്യാർഥിയായ സുഹൃത്ത് ആര്‍ഷ്‌കൃത്‌ സിങിനെ പൊലീസ് അറസ്റ്റ് ചെയ്തു. പെൺകുട്ടിക്ക് മറ്റൊരാളുമായി ബന്ധമുണ്ടെന്ന സംശയത്തെ തുടർന്നാണ് ആര്‍ഷ്‌കൃത്‌ യുവതിയെ കുത്തിയും ശ്വാസം മുട്ടിച്ചും കൊലപ്പെടുത്തിയത് എന്നാണ് ലഭിക്കുന്ന വിവരം.

അതേസമയം പെൺകുട്ടിയും യുവാവും തമ്മിൽ നേരത്തെ പ്രശ്നങ്ങൾ ഉണ്ടെന്ന് അറിയാവുന്ന പെൺകുട്ടിയുടെ കുടുംബം സഞ്ജയ് വനിൽ തിരച്ചിൽ നടത്തിയിരുന്നെങ്കിലും കുട്ടിയെ കണ്ടെത്താനായില്ല. തുടർന്ന് സിസി ടിവി ദൃശ്യങ്ങളുടെ അടിസ്ഥാനത്തിൽ പൊലീസ് ഇന്നലെ അന്വേഷണം അരംഭിച്ചതോടെ ആണ് റാണിബാഗിൽ നിന്ന് ആര്‍ഷ്‌കൃതിനെ അറസ്റ്റ് ചെയ്തത്. പിന്നീടുള്ള ചോദ്യം ചെയ്യലിൽ പ്രതി കുറ്റം സമ്മതിക്കുകയായിരുന്നു.