ഉയരമുള്ള ആളുകൾക്ക് കാൻസർ വരാനുള്ള സാധ്യത കൂടുതലാണെന്ന് അടുത്തിടെ നടത്തിയ ഒരു പഠനത്തിൽ കണ്ടെത്തി.  വഡോദര എച്ച്‌സിജി കാന്‍സര്‍ സെന്ററിലെ സര്‍ജിക്കല്‍ ഓങ്കോളജി കണ്‍സള്‍ട്ടന്റ്‌ ഡോ. അങ്കിത്‌ ഷാ എഴുതിയ ലേഖനത്തിലാണ് ഉയരമുള്ളവര്‍ക്ക്‌ കാൻസർ സാധ്യത കൂടുതലാണെന്ന് ചൂണ്ടികാണിക്കുന്നത്.

ഉയരമുള്ള ആളുകൾക്ക് ഹൃദ്രോഗവും പ്രമേഹവും വരാനുള്ള സാധ്യത കുറവാണെന്നും ഈ പഠനം വ്യക്തമാക്കുന്നു. ഉയരമുള്ള ആളുകൾക്ക് പാൻക്രിയാറ്റിക് കാൻസർ, വൻകുടൽ കാൻസർ, എൻഡോമെട്രിയൽ കാൻസർ, അണ്ഡാശയ കാൻസർ, പ്രോസ്റ്റേറ്റ് കാൻസർ, വൃക്ക, സ്തനാർബുദം, ത്വക്ക് കാൻസർ എന്നിവ വരാനുള്ള സാധ്യത കൂടുതലാണെന്ന് പഠനങ്ങൾ തെളിയിച്ചിട്ടുണ്ടെന്ന് ലേഖനം എടുത്തുകാണിക്കുന്നു.

കുട്ടിക്കാലത്തെ പോഷകാഹാരം, ആരോഗ്യം, ജനിതകശാസ്ത്രം എന്നിവ പലപ്പോഴും ഉയരത്തെ സ്വാധീനിക്കുന്ന ഘടകങ്ങളാണ്. കോശ വളർച്ചയെ സ്വാധീനിക്കുന്ന ഇതേ ഘടകങ്ങൾ കാൻസർ കോശങ്ങളുടെ അനിയന്ത്രിതമായ വളർച്ചയ്ക്കും കാരണമാകുമെന്ന് ഡോ. അങ്കിത് നിർദ്ദേശിക്കുന്നു.

പെട്ടെന്നുള്ള ശരീരഭാരം കുറയല്‍ , നിരന്തരമായ ക്ഷീണം, ചർമ്മത്തിലെയും മറുകുകളിലെയും മാറ്റങ്ങൾ, അസാധാരണമായ രക്തസ്രാവം, സ്ഥിരമായ വേദന തുടങ്ങിയ ലക്ഷണങ്ങൾ പൊക്കമുള്ള ആളുകൾ  ശ്രദ്ധിക്കണമെന്ന് ഡോക്ടർ കൂട്ടിച്ചേർക്കുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്