ഉക്രെയ്ന് മിസൈലുകള്‍ നൽകാൻ തീരുമാനിച്ചാൽ ജർമ്മനിയെ പിന്തുണയ്ക്കുമെന്ന് ബ്രിട്ടൻ

APRIL 17, 2025, 8:30 AM

കീവ്: ഉക്രെയ്‌നിന് ദീർഘദൂര ടോറസ് ക്രൂയിസ് മിസൈലുകൾ നൽകാൻ തീരുമാനിച്ചാൽ ജർമ്മനിയെ പിന്തുണയ്ക്കുമെന്ന് ബ്രിട്ടൻ അറിയിച്ചു.

500 കിലോമീറ്റർ ദൂരപരിധിയുള്ളതും റഷ്യൻ പ്രദേശം ലക്ഷ്യമിടാൻ കഴിയുന്നതുമായ ജർമ്മൻ നിർമ്മിത ആയുധങ്ങൾ ഉക്രെയ്‌ൻ ഏറ്റെടുക്കുന്നതിനെ ബ്രിട്ടൻ വളരെക്കാലമായി പിന്തുണച്ചിട്ടുണ്ട്.

ഉക്രെയ്‌നിലേയ്ക്ക് ടോറസ് മിസൈലുകള്‍ വിതരണം ചെയ്യാന്‍ തയ്യാറാണെന്ന് സൂചന നല്‍കിയ ജര്‍മന്‍ ചാന്‍സലര്‍ ഫ്രെഡറിക് മെര്‍സിന്റെ സമീപകാല പ്രസ്താവനകളെ തുടര്‍ന്നാണ് ഇപ്പോള്‍ ഇത്തരത്തിലുള്ള റിപ്പോര്‍ട്ട് പുറത്തുവന്നിരിക്കുന്നത്.

ബ്രിട്ടണിന്റെ സ്റ്റോം ഷാഡോ, ഫ്രാന്‍സിന്റെ സ്‌കാള്‍പ്പ് മിസൈലുകള്‍ എന്നിവയും ഉക്രെയ്‌ന് കൈമാറിയതായി ബ്രിട്ടീഷ് ഭരണകൂടം സ്ഥിരീകരിച്ചിട്ടുണ്ട്.

അതേസമയം, ഉക്രെയ്‌നിന് ദീർഘദൂര മിസൈലുകൾ നൽകുകയും റഷ്യൻ പ്രദേശത്തെ ആക്രമിക്കാൻ അവരെ അനുവദിക്കുകയും ചെയ്യുന്നത് ശത്രുത വർദ്ധിപ്പിക്കുന്നതിന് കാരണമാകുമെന്ന് റഷ്യ മുന്നറിയിപ്പ് നൽകി.