റഷ്യയ്ക്ക് ചൈനയുടെ പിന്തുണ: ഉക്രെയ്ന്‍ മാനുഷിക നിയമം ലംഘിക്കുന്നതായി ചൈന

APRIL 16, 2025, 8:43 PM

കീവ്: ഡൊണാള്‍ഡ് ട്രംപിന്റെ പിന്തുണ കുറയുകയും റഷ്യ ആക്രമണം ശക്തമാക്കുകയും ചെയ്തതോടെ മോസ്‌കോയ്ക്ക് ബീജിങ് നിശബ്ദ പിന്തുണ നല്‍കിയിരുന്നു. ഇപ്പോള്‍ റഷ്യക്കാര്‍ക്കൊപ്പം യുദ്ധം ചെയ്യുന്ന തങ്ങളുടെ പൗരന്മാരെ ചൈന പൂര്‍ണ്ണമായും നിരസിച്ചതിനെത്തുടര്‍ന്ന്, ഉക്രെയ്ന്‍ ചില കടുത്ത നടപടികള്‍ സ്വീകരിക്കാന്‍ തീരുമാനിച്ചിരിക്കുകയാണ്.

പ്രസിഡന്റ് സെലെന്‍സ്‌കിയുടെ അംഗീകാരത്തോടെ, ഉക്രെയ്നിലെ വര്‍ഷങ്ങളായി തുടരുന്ന സംഘര്‍ഷത്തില്‍ യുദ്ധത്തടവുകാരി പിടിക്കപ്പെട്ട ചൈനീസ് പൗരന്മാരെ പുറംലോകത്തെ കാണിക്കാന്‍ പരേഡ് ചെയ്യിപ്പിക്കാന്‍ ഉക്രെയ്ന്‍ സൈന്യം തീരുമാനിച്ചിരിക്കുകയാണ്. യുദ്ധത്തടവുകാരുടെ ഐഡന്റിറ്റികള്‍ വെളിപ്പെടുത്തുകയും റിപ്പോര്‍ട്ടര്‍മാരുടെയും വാര്‍ത്താ ക്യാമറകളുടെയും മുന്നില്‍ അവരെ പരേഡ് ചെയ്യിപ്പിക്കുകയും ചെയ്യുന്നത് അന്താരാഷ്ട്ര മാനുഷിക നിയമത്തിന്റെ ലംഘനമായാണ് കണക്കാക്കപ്പെടുന്നത്. കീവ് എന്തായാലും അത് ചെയ്യാന്‍ തീരുമാനിച്ചിരിക്കുകയാണ് ചെനയുടെ നടപടികള്‍ തെറ്റാണെന്ന് തെളിയിക്കാന്‍ വേണ്ടി മാത്രമെന്ന് ഉദ്യോഗസ്ഥര്‍ വ്യക്തമാക്കി.

കഴിഞ്ഞ ആഴ്ച വരെ, ഉക്രെയ്നിന്റെ പ്രദേശത്ത് ഉക്രേനിയക്കാര്‍ക്കെതിരെ പോരാടുന്ന 155 ചൈനീസ് പൗരന്മാരുണ്ടെന്ന് ഉക്രെയ്ന്‍ പ്രസിഡന്റ് വോളോഡിമര്‍ സെലെന്‍സ്‌കി പറഞ്ഞിരുന്നു. റഷ്യ ചൈനയെ യുദ്ധത്തിലേക്ക് വലിച്ചിഴയ്ക്കുകയാണെന്നും അദ്ദേഹം വ്യക്തമാക്കുകയുണ്ടായി. മോസ്‌കോയുടെ സൈന്യം തങ്ങളുടെ പൗരന്മാരെ റിക്രൂട്ട് ചെയ്യാന്‍ നിശബ്ദമായി അനുവദിച്ചതിന് ബീജിംഗിനെ വിമര്‍ശിച്ചു, അവരാണ് അവര്‍ക്ക് യുദ്ധ പരിശീലനം നല്‍കിയതെന്ന് വാദിച്ചു. നിലവില്‍ കുറഞ്ഞത് യുദ്ധത്തില്‍ പങ്കെടുക്കുന്ന 155 ചൈനീസ് പൗരന്മാരുടെ വിവരങ്ങള്‍ കീവിന്റെ കൈവശമുണ്ടെന്നും അവരില്‍ രണ്ടുപേരെ കിഴക്കന്‍ ഡൊനെറ്റ്‌സ്‌കില്‍ പിടികൂടിയിട്ടുണ്ടെന്നുമുള്ള അവകാശവാദം ചൈന തള്ളിക്കളഞ്ഞു.

അതേസമയം ചൈന അല്ല ഉക്രേനിയന്‍ പ്രതിസന്ധിയ്ക്ക് തുടക്കമിട്ടതെന്നും ചൈന യുദ്ധത്തില്‍ ഒരു പങ്കാളിയല്ലെന്നും തങ്ങള്‍ ആവര്‍ത്തിക്കാന്‍ ആഗ്രഹിക്കുന്നു. ചൈനയുടെ പങ്ക് കൃത്യമായി മനസ്സിലാക്കാതെ ഉത്തരവാദിത്തമില്ലാത്ത പരാമര്‍ശങ്ങള്‍ നടത്തരുതെന്നും ബന്ധപ്പെട്ട കക്ഷികളോട് ഞങ്ങള്‍ അഭ്യര്‍ത്ഥിക്കുന്നതായി പ്രസിഡന്റ് സെലെന്‍സ്‌കിക്ക് മറുപടിയായി, ചൈനയുടെ വിദേശകാര്യ മന്ത്രാലയം വ്യക്തമാക്കി.
വാഷിംഗ്ടണ്‍ പിന്തുണ കുറച്ചതോടെ, ബീജിംഗിന്റെ ഇടപെടല്‍ വെളിപ്പെടുത്തുന്നതിന് കീവിന് കുറച്ച് നിയമങ്ങള്‍ ലംഘിക്കുകയല്ലാതെ മറ്റ് മാര്‍ഗമില്ലായിരുന്നു.

അതിനാല്‍, അതിന്റെ പ്രശസ്തിക്ക് കേടുപാടുകള്‍ വരുത്താനുള്ള സാധ്യത കണക്കിലെടുത്ത്, കീവ് പിടിക്കപ്പെട്ട ചൈനീസ് പൗരന്മാരെ മാധ്യമങ്ങള്‍ക്ക് മുന്നില്‍ നിര്‍ത്തും.