ലോകസിനിമയില് ഈ വർഷത്തെ ലെറ്റർബോക്സ്ഡ് ലിസ്റ്റില് മലയാളത്തില് നിന്ന് അഞ്ച് സിനിമകള്. ലോകമെമ്ബാടുമുള്ള പ്രേക്ഷകരുടെ പങ്കാളിത്തമുള്ള സോഷ്യല് നെറ്റ്വർക്കിംഗ് സർവ്വീസാണ് ലെറ്റർബോക്സ്ഡ്.ഉപഭോക്താക്കളുടെ റേറ്റിംഗിന്റെ അടിസ്ഥാനത്തില് ഇവർ പുറത്തുവിടുന്ന സിനിമാ ലിസ്റ്റുകളും വലിയ പ്രേക്ഷക ശ്രദ്ധ നേടാറുണ്ട്.
ഈ വർഷം ജൂണ് വരെ ആഗോള തലത്തില് റിലീസായ ചിത്രങ്ങളില് റേറ്റിംഗില് ഏറ്റവും മുന്നില് നില്ക്കുന്ന 25 സിനിമകളുടെ പട്ടിക അവതരിപ്പിച്ചിരിക്കുകയാണ് ലെറ്റർബോക്സ്ഡ്. ഇതില് അഞ്ചും മലയാള സിനിമയാണ് എന്നത് മലയാളികള്ക്ക് അഭിമാനിക്കാവുന്ന കാര്യമാണ്.
കിരണ് റാവു സംവിധാനം ചെയ്ത ഹിന്ദി ചിത്രം ‘ലാപതാ ലേഡീസ്’ ആണ് ലെറ്റർബോക്സ്ഡ് റേറ്റിംഗില് ഏറ്റവും മുന്നിലുള്ള ഇന്ത്യൻ സിനിമ. ലിസ്റ്റില് അഞ്ചാം സ്ഥാനത്താണ് ലാപതാ ലേഡീസ് സ്ഥാനം പിടിച്ചിരിക്കുന്നത്.
ആഗോളതലത്തില് 250 കോടിയിലേറെ സ്വന്തമാക്കിയ ‘മഞ്ഞുമ്മല് ബോയ്സാ’ണ് ലിസ്റ്റില് ഏഴാം സ്ഥാനത്ത്. പത്താം സ്ഥാനത്ത് ആട്ടവും 15-ാം സ്ഥാനത്ത് മമ്മൂട്ടിയുടെ ഭ്രമയുഗവും ഇടം നേടി.
16-ാം സ്ഥാനത്ത് ഫഹദ് ഫാസില് നായകനായ ആവേശം, 25-ാം സ്ഥാനത്ത് സർപ്രൈസ് ഹിറ്റടിച്ച പ്രേമലുവുമാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്