നിങ്ങള്‍ അബദ്ധത്തില്‍ തെറ്റായ ബാങ്ക് അക്കൗണ്ടിലേക്ക് പണം ട്രാന്‍സ്ഫര്‍ ചെയ്യുകയാണെങ്കില്‍, അത് എങ്ങനെ തിരികെ ലഭിക്കുമെന്ന് അറിയാമോ. അതിന് ചില ആര്‍ബിഐ നിയമങ്ങള്‍ ഉണ്ട്. ആര്‍ബിഐ മണി ബാക്ക് റൂളില്‍ പറഞ്ഞിരിക്കുന്ന കാര്യങ്ങള്‍ എന്തൊക്കെയാണെന്ന് അറിയാം. 

അബദ്ധത്തില്‍ മറ്റൊരാളുടെ ബാങ്ക് അക്കൗണ്ടിലേക്ക് പണം ട്രാന്‍സ്ഫര്‍ ചെയ്യുകയാണെങ്കില്‍, ആദ്യം നിങ്ങളുടെ ബാങ്കിനെ ഫോണിലോ ഇമെയിലിലോ പണം നഷ്ടപ്പെട്ട വിവരം അറിയിക്കുക. എത്രയും വേഗം ബ്രാഞ്ച് മാനേജരെ നേരില്‍ കാണുക. 

കൊറോണ പ്രതിസന്ധിക്കും അതിനുശേഷവും ഡിജിറ്റല്‍ ഇടപാടുകളില്‍ വലിയ വര്‍ധനയുണ്ടായി. നിലവില്‍, ഡിജിറ്റല്‍ വാലറ്റുകള്‍, NEFT / RTGS, UPI, Google Pay, BHIM ആപ്പ്, മറ്റ് സേവനങ്ങള്‍ എന്നിവയിലൂടെ എളുപ്പത്തില്‍ പണമിടപാടുകള്‍ നടക്കുന്നു. ഈ മാധ്യമങ്ങളെല്ലാം പണം അയയ്ക്കാനോ സ്വീകരിക്കാനോ ഉള്ള എളുപ്പവഴികളാണ്. ഇവ കാരണം, പണം കൈമാറ്റം ചെയ്യുന്നത് എളുപ്പമായി, പക്ഷേ ചിലപ്പോള്‍ ഗുണത്തേക്കാള്‍ ദോഷവും ചെയ്യാറുണ്ട്. ചില ചെറിയ തെറ്റുകള്‍ സംഭവിക്കുമ്പോള്‍ പണം നഷ്ടമാകാന്‍ സാധ്യതയുണ്ട്.  പണം കൈമാറുന്ന സമയത്ത് ബാങ്ക് അക്കൗണ്ട് നമ്പര്‍ തെറ്റായി ടൈപ്പ് ചെയ്യുമ്പോള്‍, അത് തെറ്റായ അക്കൗണ്ടിലേക്ക് ട്രാന്‍സ്ഫര്‍ ചെയ്യപ്പെടും.

തുക തെറ്റായ അക്കൗണ്ടിലേക്ക് കൈമാറിയാല്‍ എന്തുചെയ്യണമെന്ന് അറിയാമോ? റിസര്‍വ് ബാങ്ക് ഓഫ് ഇന്ത്യയുടെ (ആര്‍ബിഐ) നിയമങ്ങള്‍ എന്തൊക്കെയാണ്?

നിങ്ങളുടെ ബാങ്കിനെ ഉടന്‍ അറിയിക്കുക

അബദ്ധത്തില്‍ മറ്റൊരാളുടെ ബാങ്ക് അക്കൗണ്ടിലേക്ക് പണം ട്രാന്‍സ്ഫര്‍ ചെയ്യുകയാണെങ്കില്‍, ആദ്യം നിങ്ങളുടെ ബാങ്കിനെ ഫോണ്‍ അല്ലെങ്കില്‍ ഇമെയില്‍ വഴി അറിയിക്കുക. നിങ്ങള്‍ എത്രയും വേഗം ബ്രാഞ്ച് മാനേജരെ കണ്ടാല്‍ നന്നായിരിക്കും. ആ ബാങ്കില്‍ മാത്രമേ ഈ പ്രശ്‌നം പരിഹരിക്കാന്‍ കഴിയൂ. ആരുടെ അക്കൗണ്ടിലാണ് പണം കൈമാറ്റം ചെയ്യപ്പെട്ടത് എന്ന വിവരങ്ങള്‍ നിങ്ങളുടെ ബാങ്കിന്റെ കസ്റ്റമര്‍ കെയര്‍ സെന്ററില്‍ വിളിച്ച് പറയുക. ബാങ്ക് എല്ലാ വിവരങ്ങളും ഇ-മെയില്‍ വഴി ആവശ്യപ്പെടുകയാണെങ്കില്‍, ഇടപാടിന്റെ മുഴുവന്‍ വിവരങ്ങളും അയയ്ക്കുക. ഇതില്‍, ഇടപാട് തീയതി, സമയം, നിങ്ങളുടെ അക്കൗണ്ട് നമ്പര്‍, പണം അയച്ച സ്ഥലം, അതിന്റെ അക്കൗണ്ട് നമ്പര്‍ എന്നിവ ഉള്‍പ്പെടും. 

നിങ്ങളുടെ ബാങ്കില്‍ പോയി ബ്രാഞ്ച് മാനേജരെ കാണുക. തെറ്റായ ഇടപാടിനെക്കുറിച്ചുള്ള പൂര്‍ണ്ണമായ വിവരങ്ങള്‍ അദ്ദേഹത്തിന് നല്‍കുക. ഏത് ബാങ്ക് അക്കൗണ്ടിലാണ് പണം പോയതെന്ന് അറിയാന്‍ ശ്രമിക്കുക. അബദ്ധത്തില്‍ മറ്റൊരു ബാങ്ക് അക്കൗണ്ടിലേക്ക് പണം കൈമാറിയിട്ടുണ്ടെങ്കില്‍, പണം തിരികെ ലഭിക്കാന്‍ കൂടുതല്‍ സമയം എടുത്തേക്കാം. ചിലപ്പോള്‍ ഇത്തരം കേസുകള്‍ തീര്‍പ്പാക്കാന്‍ ബാങ്കുകള്‍ക്ക് 2 മാസം വരെ എടുത്തേക്കാം. ഏത് ബാങ്കിന്റെ ഏത് ശാഖയിലാണ് ഏത് അക്കൗണ്ടിലേക്കാണ് പണം കൈമാറിയതെന്ന് നിങ്ങളുടെ ബാങ്കില്‍ നിന്ന് കണ്ടെത്താനാകും. ആ ശാഖയുമായി സംസാരിച്ച് നിങ്ങള്‍ക്ക് തുക പിന്‍വലിക്കാം.

എഫ്‌ഐആര്‍ തന്നെ ചെയ്യാം

അബദ്ധത്തില്‍ മറ്റൊരാളുടെ അക്കൗണ്ടിലേക്ക് പണം കൈമാറുന്ന മിക്ക കേസുകളിലും, റിസീവര്‍ പണം തിരികെ നല്‍കാന്‍ തയ്യാറാണ്. പണം തിരികെ നല്‍കാന്‍ അദ്ദേഹം വിസമ്മതിച്ചാല്‍ നിങ്ങള്‍ക്ക് അദ്ദേഹത്തിനെതിരെ കേസെടുക്കാം. അത്തരം സന്ദര്‍ഭങ്ങളില്‍ സ്വയം നിയമനടപടി സ്വീകരിക്കാനും നിങ്ങള്‍ക്ക് അവകാശമുണ്ട്. നിങ്ങള്‍ക്ക് വേണമെങ്കില്‍, ബാങ്കില്‍ പരാതി രജിസ്റ്റര്‍ ചെയ്ത് നിയമനടപടി സ്വീകരിക്കാവുന്നതാണ്. അബദ്ധത്തില്‍ മറ്റൊരാളുടെ അക്കൗണ്ടില്‍ പണം നിക്ഷേപിക്കുകയാണെങ്കില്‍, നിങ്ങളുടെ ബാങ്ക് പെട്ടെന്നുള്ള നടപടികള്‍ കൈക്കൊള്ളേണ്ടിവരുമെന്നാണ് ആര്‍ബിഐ നിര്‍ദ്ദേശം. തെറ്റായ അക്കൗണ്ടില്‍ നിന്ന് ശരിയായ അക്കൗണ്ടിലേക്ക് പണം തിരികെ നല്‍കുന്നതിനുള്ള ക്രമീകരണങ്ങള്‍ ബാങ്ക് നടത്തണം. ഇക്കാലത്ത്, പണം കൈമാറുമ്പോള്‍, ഇടപാട് തെറ്റാണെങ്കില്‍ ഈ ഫോണ്‍ നമ്പറിലേക്ക് ഒരു സന്ദേശം അയയ്ക്കുക എന്ന സന്ദേശം മൊബൈലിലും മെയിലിലും ലഭിക്കുന്നു. ഇതിലൂടെ നിങ്ങള്‍ക്ക് പരാതി നല്‍കാനും കഴിയും.