ന്യൂയോര്ക്ക്: ന്യൂയോര്ക്ക് സിറ്റിയിലെ വാഷിംഗ്ടണ് സ്ക്വയര് പാര്ക്കില് പ്രൈഡ് ആഘോഷത്തിനിടെ വന് സംഘര്ഷം. സാമൂഹ്യ മാധ്യമങ്ങളില് പ്രചരിക്കുന്ന വീഡിയോകളില് പാര്ക്കില് സ്ത്രീകളും പുരുഷന്മാരും തമ്മില് വഴക്കിടുന്നത് കാണാം. നിരവധി ആളുകള് പരസ്പരം മുഷ്ടിചുരുട്ടിയും മുടി പിടിച്ച് വലിച്ചും നിലത്തിട്ട് ചവിട്ടിയും സംഘര്ഷത്തിന്റെ ഭാഗമാകുന്നുണ്ട്.
20 വയസ്സുള്ള ഒരാളെ വെടിയേറ്റ മുറിവുകളോടെ ആശുപത്രിയില് പ്രവേശിപ്പിച്ചു. വെടിവെച്ചയാള്ക്കായി തിരച്ചില് നടത്തുകയാണ് പോലീസ്. സംഘര്ഷത്തെ തുടര്ന്ന് 22 പേരെ പൊലീസ് അറസ്റ്റ് ചെയ്തു. പതിനാറ് പേരെ പിന്നീട് വിട്ടയച്ചു, ആറ് പേര് കുറ്റാരോപിതരായി കസ്റ്റഡിയില് തുടരുന്നു.
യുഎസില് ജൂണ് അവസാനത്തെ ഞായറാഴ്ച 'ഗേ പ്രൈഡ് ഡേ' ആയി ആഘോഷിക്കുന്നു. പൗരാവകാശങ്ങള്ക്കായുള്ള നീണ്ട പോരാട്ടത്തെയും എല്ജിബിടിക്യു കമ്മ്യൂണിറ്റിക്ക് വേണ്ടിയുള്ള സമത്വത്തിനായുള്ള നിരന്തരമായ അന്വേഷണത്തെയും പ്രൈഡ് മാസം ആദരിക്കുന്നു. ലെസ്ബിയന്, ഗേ, ബൈസെക്ഷ്വല്, ട്രാന്സ്ജെന്ഡര്, ക്വിയര് വ്യക്തികളുടെ നേട്ടങ്ങളും ഇത് ആഘോഷിക്കുന്നു.
സംഘര്ഷം അതിരുവിട്ടതോടെ രാത്രിയായപ്പോള്, ന്യൂയോര്ക്ക് പോലീസ് ഡിപ്പാര്ട്ട്മെന്റ് വാഷിംഗ്ടണ് സ്ക്വയര് പാര്ക്ക് അടച്ചുപൂട്ടുന്നതായി മൈക്കിലൂടെ പ്രഖ്യാപിച്ചു. ഇത് പോലീസും പരേഡില് പങ്കെടുക്കുന്നവരും തമ്മിലുള്ള സംഘര്ഷത്തിലേക്ക് നയിച്ചു
വന് സംഘര്ഷം പൊട്ടിപ്പുറപ്പെട്ടതിന്റെ കാരണം ഇപ്പോഴും വ്യക്തമല്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്