ഓപ്പണർ ഷഫാലി വർമ, സ്പിന്നർ ശ്രേയങ്ക പാട്ടീൽ എന്നിവരെ ഒഴിവാക്കി ഓസ്‌ട്രേലിയയ്‌ക്കെതിരായ മൂന്ന് മത്സര ഏകദിന പരമ്പരയ്ക്കുള്ള ഇന്ത്യയുടെ 15 അംഗ ടീമിനെ ബിസിസിഐ പ്രഖ്യാപിച്ചു.

ഒരു ഇടവേളയ്ക്ക് ശേഷം മിന്നു മണി ഇന്ത്യൻ ടീമിലേക്ക് തിരികെയെത്തി. ഐസിസി വനിതാ ചാമ്പ്യൻഷിപ്പിന്റെ ഭാഗമായ പരമ്പര, ബ്രിസ്‌ബേനിലെ അലൻ ബോർഡർ ഫീൽഡിൽ ആദ്യ രണ്ട് ഏകദിനങ്ങളോടെ ആരംഭിക്കും, തുടർന്ന് പെർത്തിലെ WACA ഗ്രൗണ്ടിൽ അവസാന മത്സരവും നടക്കും.

കഴിഞ്ഞ മാസം ന്യൂസിലൻഡിനെതിരെ ഏകദിന പരമ്പര നേടിയ ടീമിലെ അഞ്ച് താരങ്ങളെയും ഒഴിവാക്കി. ഹർലീൻ ഡിയോൾ, പ്രിയ പുനിയ, വിക്കറ്റ് കീപ്പർബാറ്റർ റിച്ച ഘോഷ് എന്നിവർ ടീമിൽ തിരിച്ചെത്തി.

ഇന്ത്യയുടെ ഏകദിന സ്‌ക്വാഡ് : ഹർമൻപ്രീത് കൗർ (ക്യാപ്ടൻ), സ്മൃതി മന്ദാന (വൈസ് ക്യാപ്ടൻ), പ്രിയ പുനിയ, ജെമിമ റോഡ്രിഗസ്, ഹാർലിൻ ഡിയോൾ, യാസ്തിക ഭാട്ടിയ (വിക്കറ്റ്കീപ്പർ), റിച്ച ഘോഷ് (വിക്കറ്റ് കീപ്പർ), തേജൽ ഹസബ്‌നിസ്, ദീപ്തി ശർമ്മ, മിന്നു മണി, പ്രിയ മിശ്ര, രാധാ യാദവ്, ടിറ്റാസ് സാധു, അരുന്ധതി റെഡ്ഡി, രേണുക സിങ് താക്കൂർ, സൈമ താക്കൂർ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്