സ്പാനിഷ് സൂപ്പർ കപ്പ് കിരീടം ബാഴ്‌സലോണ സ്വന്തമാക്കി. ജിദ്ദയിൽ നടന്ന ഫൈനലിൽ റയൽ മാഡ്രിഡിനെ തകർത്തു കൊണ്ടാണ് ബാഴ്‌സലോണ കിരീടത്തിൽ മുത്തം വെച്ചത്. എൽ ക്ലാസികോ പോരിൽ രണ്ടിനെതിരെ 5 ഗോളുകൾക്കായിരുന്നു ബാഴ്‌സലോണയുടെ ജയം.

കളിയുടെ തുടക്കത്തിൽ തന്നെ ബാഴ്‌സലോണയ്ക്ക് രണ്ട് നല്ല അവസരങ്ങൾ ലഭിച്ചെങ്കിലും ആ അവസരങ്ങളും കോർതോ സേവ് ചെയ്തു.  നാലാം മിനുറ്റിൽ എംബപ്പെ ഒരു കൗണ്ടർ അറ്റാക്കിൽ നിന്ന് വല കണ്ടെത്തി റയലിന് ലീഡ് നൽകി. സ്‌കോർ 1-0

ഗോളുകൾ വീണതോടെ ഉണർന്നു കളിച്ച ബാഴ്‌സലോണ 22-ാം മിനുറ്റിൽ ലെവൻഡോസ്‌കിയുടെ പാസ് സ്വീകരിച്ച് ലമിനെ യമാൽ ബാഴ്‌സക്ക് സമനില ഗോൾ നൽകി. 36-ാം മിനുറ്റിൽ കാമവിങ ഗവിയെ ഫൗൾ ചെയ്തതിന് ലഭിച്ച പെനാൽറ്റി ലെവൻഡോസ്‌കി ലക്ഷ്യത്തിലെത്തിച്ച് സ്‌കോർ 2-1. 39-ാം മിനുട്ടിൽ റാഫിഞ്ഞയുടെ തകർപ്പൻ ഹെഡർ ലീഡ് വർധിപ്പിച്ചു. സ്‌കോർ 3-1.ആദ്യ പകുതി അവസാനിക്കും മുമ്പ് ബാൾദെ കൂടെ വല കണ്ടെത്തിയതോടെ സ്‌കോർ 4-1 എന്നായി.

രണ്ടാം പകുതിയിൽ തിരിച്ചുവരാം എന്ന് കരുതിയ റയലിന് കാര്യങ്ങൾ കൂടുതൽ പ്രയാസമാക്കി കൊണ്ട് ബാഴ്‌സലോണയുടെ അഞ്ചാം ഗോളും വന്നു. 48-ാം മിനുറ്റിലായിരുന്നു റഫീഞ്ഞയുടെ രണ്ടാമത്തെ ഗോൾ. സ്‌കോർ 5-1.

57-ാം മിനുറ്റിൽ എംബപ്പെയെ ഫൗൾ ചെയ്തതിന് ബാഴ്‌സ കീപ്പർ ചെസ്‌നി ചുവപ്പ് കണ്ട് പുറത്തു പോയി. ഈ ഫൗളിന് കിട്ടിയ ഫ്രീകിക്ക് റോഡ്രിഗോ വലയിൽ എത്തിച്ചു. സ്‌കോർ 2-5. പക്ഷെ ഇതിനു ശേഷം കരുതലോടെ കളിച്ച ബാഴ്‌സലോണ റയലിന് തിരിച്ചുവരാൻ ഒരവസരം നൽകാതെ വിജയവും കിരീടവും ഉറപ്പിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്