ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് മികച്ച വിജയം. ഓൾഡ്ട്രാഫോർഡിൽ നടന്ന മത്സരത്തിൽ മാഞ്ചസ്റ്റർ യുണൈറ്റഡ് മറുപടിയില്ലാത്ത മൂന്നു ഗോളുകൾക്ക് ലെസ്റ്റർ സിറ്റിയെ തോൽപ്പിച്ചു. താൽക്കാലിക പരിശീലകൻ നിസ്റ്റൽ റുയിയുടെ കീഴിൽ യുണൈറ്റഡിന്റെ അവസാന മത്സരമായിരുന്നു ഇത്.

മത്സരത്തിന്റെ 17-ാം മിനുട്ടിൽ തന്നെ മാഞ്ചസ്റ്റർ യുണൈറ്റഡ് ലീഡെടുത്തു. അമദ് ദിയാലോയുടെ ഒരു ബാക്ക് ഹീൽ പാസ് സ്വീകരിച്ച് ബ്രൂണോ ഫെർണാണ്ടസ് അസാധ്യമെന്ന് തോന്നിച്ച ആങ്കിളിൽ നിന്ന് മികച്ചൊരു ഫിനിഷിംഗിലൂടെ ലക്ഷ്യം കണ്ടു.

38-ാം മിനുട്ടിൽ സെൽഫ് ഗോളിലൂടെ യുണൈറ്റഡ് ലീഡ് ഇരട്ടിയാക്കി. മസ്രോയിയുടെ ഒരു ക്രോസിൽ നിന്നുള്ള ബ്രൂണോയുടെ ഹെഡർ. ക്രിസ്റ്റ്യൻസനിൽ തട്ടി വലയിലേക്ക് പോയി സ്‌കോർ 2-0.

രണ്ടാം പകുതിയിൽ സബ്ബായി എത്തിയ ഗർനാചോ 82-ാം മിനുട്ടിൽ അതിമനോഹരമായ സ്‌ട്രൈക്കിലൂടെ വിജയം പൂർത്തിയാക്കി. ഈ വിജയത്തോടെ മാഞ്ചസ്റ്റർ യുണൈറ്റഡ് 15 പോയിന്റുമായി ലീഗിൽ 13-ാം സ്ഥാനത്ത് നിൽക്കുകയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്