ഇംഗ്ലീഷ് പ്രീമിയർ ലീഗിൽ ആദ്യ ജയം കണ്ടെത്തി ഇപ്‌സ്വിച് ടൗൺ. വമ്പന്മാരായ ടോട്ടനം ഹോട്‌സ്പറിനെ അവരുടെ മൈതാനത്ത് 21 നാണ് ഈ സീസണിൽ സ്ഥാനക്കയറ്റം നേടി വന്ന ഇപ്‌സ്വിച് ഞെട്ടിച്ചത്.

ടോട്ടനം ആധിപത്യം കണ്ട മത്സരത്തിൽ പക്ഷെ മികച്ച അവസരങ്ങൾ ഉണ്ടാക്കുന്ന ഇപ്‌സ്വിചിനെയാണ് കാണാനായത്. 31ാമത്തെ മിനിറ്റിൽ ഡിലാപിന്റെ ക്രോസിൽ നിന്നു ബൈസൈക്കിൾ ഷോട്ടിലൂടെ ഗോൾ നേടിയ സാമി മോഡിക്‌സ് ഇപ്‌സ്വിചിന് ആദ്യ ഗോൾ സമ്മാനിച്ചു.

തുടർന്ന് 41ാമത്തെ മിനിറ്റിൽ മികച്ച ഫോമിലുള്ള ലിയാം ഡിലാപ് കൂടി വല കുലിക്കിയതോടെ ടോട്ടനം ഞെട്ടി. രണ്ടാം പകുതിയിൽ സമനില ഗോളുകൾക്കായാണ് ടോട്ടനം ഇറങ്ങിയത്. 48 മിനിറ്റിൽ ഡൊമനിക് സൊളാങ്കെ ഗോൾ നേടുകയും ചെയ്തു.

എന്നാൽ ഈ ഗോൾ ഹാന്റ് ബോളിന് വാർ നിഷേധിച്ചു. 69ാമത്തെ മിനിറ്റിൽ പെഡ്രോ പോറോയുടെ കോർണറിൽ നിന്നു ഹെഡറിലൂടെ ബെന്റകർ ഒരു ഗോൾ മടക്കിയെങ്കിലും ഇപ്‌സ്വിച് ജയം കൈവിട്ടില്ല. ഇപ്‌സ്വിച് ലീഗിൽ 17 സ്ഥാനത്തേക്ക് ഉയർന്നു, പത്താം സ്ഥാനത്താണ് ടോട്ടനം ഇപ്പോൾ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്