ഡൽഹി: ബോർഡർ-ഗവാസ്‌കർ ട്രോഫിയുടെ ഇരുട്ടടിയ്‌ക്കിടയിൽ തീപ്പൊരി പേസർ ജസ്പ്രീത് ബുംറയ്ക്ക് പുതുവർഷം ഇതാ ഒരു സമ്മാനം. മെൽബണിൽ നടന്ന നാലാം ടെസ്റ്റിൽ അസാധാരണമായ ഒമ്പത് വിക്കറ്റ് നേട്ടത്തിന് ശേഷം ഐസിസി പുരുഷന്മാരുടെ ടെസ്റ്റ് ബൗളിംഗ് റാങ്കിംഗിൽ തൻ്റെ സ്ഥാനം ഉറപ്പിച്ചുകൊണ്ട് ഒരു ഇന്ത്യൻ ബൗളറുടെ എക്കാലത്തെയും ഉയർന്ന റേറ്റിംഗ് പോയിൻ്റ് അദ്ദേഹം നേടി എന്നാണ് ലഭിക്കുന്ന റിപ്പോർട്ട്.

907 റേറ്റിംഗ് പോയിൻ്റുമായി, രവിചന്ദ്രൻ അശ്വിനുമായി പങ്കിട്ട 904 എന്ന തൻ്റെ മുമ്പത്തെ മികച്ച റേറ്റിംഗ് ബുംറ  ഇപ്പോൾ മറികടന്നിരിക്കുകയാണ്. ഇപ്പോൾ ഇംഗ്ലണ്ടിൻ്റെ മുൻ സ്പിന്നർ ഡെറക് അണ്ടർവുഡിനൊപ്പം  പട്ടികയിൽ 17-ാം സ്ഥാനം ആണ് താരം പങ്കിടുന്നത്.

സർ ഗാർഫീൽഡ് സോബേഴ്‌സ് ട്രോഫിക്കും ടെസ്റ്റ് ക്രിക്കറ്റർ ഓഫ് ദ ഇയർ അവാർഡിനും താരത്തെ  ഐസിസി ഷോർട്ട്‌ലിസ്റ്റ് ചെയ്തിട്ടുണ്ട് എന്നും റിപ്പോർട്ടുകൾ ഉണ്ട്.

ഇംഗ്ലീഷ് ബൗളർമാരായ സിഡ്നി ബാൺസ് (932), ജോർജ്ജ് ലോഹ്മാൻ (931) എന്നിവർ എക്കാലത്തെയും റാങ്കിംഗിൽ മുന്നിലാണ്. ഇമ്രാൻ ഖാൻ (922), മുത്തയ്യ മുരളീധരൻ (920) എന്നിവർ ആണ് മൂന്നും നാലും സ്ഥാനങ്ങളിൽ.

അതേസമയം 914 പോയിൻ്റുമായി ഗ്ലെൻ മഗ്രാത്തിനൊപ്പം അഞ്ചാം സ്ഥാനം പങ്കിടുന്ന ഓസ്‌ട്രേലിയൻ ക്യാപ്റ്റൻ പാറ്റ് കമ്മിൻസ്, എംസിജിയിലെ ബോക്‌സിംഗ് ഡേ ടെസ്റ്റിൽ ഇന്ത്യയ്‌ക്കെതിരായ വിജയത്തിന് ശേഷം ബുധനാഴ്ച പുറത്തിറക്കിയ ഏറ്റവും പുതിയ റാങ്കിംഗിൽ തൻ്റെ നില മെച്ചപ്പെടുത്തിയിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്