മെല്‍ബണ്‍: ഓസ്ട്രേലിയയിലെ ആഭ്യന്തര ടി20 ലീഗായ ബിഗ് ബാഷ് ലീഗില്‍ അവിശ്വസനീയ ക്യാച്ചുമായി ആരാധകരെ ഞെട്ടിച്ച് ഗ്ലെന്‍ മാക്സ്‌വെല്‍. പുതുവര്‍ഷത്തില്‍ നടന്ന മത്സരത്തില്‍ ബ്രിസ്ബേന്‍ ഹീറ്റിനെതിരെയായിരുന്നു അവിശ്വസനീയ ക്യാച്ച്.

ബ്രിസ്ബേന്‍ ഹീറ്റിന്‍റെ വില്‍ പ്രെസ്റ്റ്‌വിഡ്ജ് അടിച്ച ഷോട്ടാണ് ലോംഗ് ഓണ്‍ ബൗണ്ടറിയില്‍ ഉയര്‍ന്നു ചാടി മനോഹരമായി കയ്യിലൊതുക്കിയത്. മാക്സ്‌വെല്‍ വായുവില്‍ വെച്ചുതന്നെ പന്ത് ബൗണ്ടറിക്ക് അകത്തേക്ക് ഉയര്‍ത്തിയെറിഞ്ഞശേഷം തിരികെ വന്ന് ഓടിപ്പിടിക്കുകയായിരുന്നു. 

ഈ വര്‍ഷം പല അവിശ്വസനീയ ക്യാച്ചുകളും നമ്മള്‍ കാണാനാരിക്കുന്നുവെങ്കിലും എത്ര എണ്ണം വന്നാലും ഇത് അതില്‍ മികച്ചതായിരിക്കും എന്നാണ് ഫോക്സ് സ്പോര്‍ട്സിനുവേണ്ടി കമന്‍ററി ബോക്സിലുണ്ടായിരുന്ന മാര്‍ക്ക് ഹോവാര്‍ഡ് മാക്സ്‌വെല്ലിന്‍റെ ക്യാച്ചിനെ വിശേഷിപ്പിച്ചത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്