യുവേഫാ യൂറോപ്പാ കോൺഫറൻസ് ലീഗ് ഫൈനലിൽ റയൽ ബെറ്റിസിനെ 4-1ന് തകർത്ത് ചെൽസി കിരീടം ചൂടി. ആദ്യ പകുതിയിൽ പിന്നിലായ ശേഷം രണ്ടാം പകുതിയിൽ ശക്തമായി തിരിച്ചുവന്നാണ് ചെൽസി വിജയം സ്വന്തമാക്കിയത്. മത്സരത്തിന്റെ ഒമ്പതാം മിനിറ്റിൽ ഇസ്‌കോയുടെ അസിസ്റ്റിൽ അബ്ദെ എസ്സാൽസൗലിയിലൂടെ റയൽ ബെറ്റിസാണ് ആദ്യം ലീഡ് നേടിയത്. മികച്ച പ്രതിരോധവും വേഗത്തിലുള്ള പ്രത്യാക്രമണങ്ങളുമായി സ്പാനിഷ് ടീം ആദ്യ പകുതിയിൽ ലീഡ് നിലനിർത്തി ചെൽസിയെ നിരാശപ്പെടുത്തി.

എന്നാൽ ഇടവേളയ്ക്ക് ശേഷം എൻസോ മരെസ്‌കയുടെ ടീം മികച്ച രീതിയിൽ തിരിച്ചുവന്നു.

65-ാം മിനിറ്റിൽ കോൾ പാമറുടെ അസിസ്റ്റിൽ എൻസോ ഫെർണാണ്ടസ് ഒരു മികച്ച ഫിനിഷിലൂടെ സമനില ഗോൾ നേടി. അഞ്ച് മിനിറ്റിന് ശേഷം പാമർ വീണ്ടും നിർണായക പങ്കുവഹിച്ചു. 70-ാം മിനിറ്റിൽ നിക്കോളാസ് ജാക്‌സണിന്റെ വിജയ ഗോളിന് വഴിയൊരുക്കിയതും പാമറായിരുന്നു.

83-ാം മിനിറ്റിൽ പകരക്കാരനായി ഇറങ്ങിയ ജാഡൻ സാഞ്ചോ മൂന്നാം ഗോൾ നേടിയതോടെ ചെൽസി വിജയം ഉറപ്പിച്ചു. ജാക്‌സണിന് പകരം ഇറങ്ങിയ കീർണൻ ഡ്യൂസ്ബറിഹാളിന്റെ മികച്ച പാസിൽ നിന്നായിരുന്നു സാഞ്ചോയുടെ ഗോൾ.

അവസാനം ഇഞ്ച്വറി ടൈമിൽ നേടിയ ഗോൾ കൂടി നേടിയതോടെ ചെൽസി കിരീടം ഉറപ്പിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്