മേജർ ലീഗ് സോക്കറിൽ ബുധനാഴ്ച നടന്ന മത്സരത്തിൽ ലയണൽ മെസ്സിയും ലൂയിസ് സുവാരസും ഇന്റർ മയാമിക്കായി തിളങ്ങി. ഇരുവരും ഇന്ന് രണ്ട് ഗോളുകൾക്കൊപ്പം ഓരോ അസിസ്റ്റ് വീതവും നേടി. മയാമി 4-2നാണ് മോൺട്രിയലിനെ തോൽപ്പിച്ചത്.

27-ാം മിനിറ്റിൽ മെസ്സി ഗോൾ നേടിയപ്പോൾ 68-ാം മിനിറ്റിൽ സുവാരസിന്റെ ഗോളിന് മെസ്സി അസിസ്റ്റ് നൽകി. 71-ാം മിനിറ്റിൽ സുവാരസ് രണ്ടാം ഗോൾ നേടി. 87-ാം മിനിറ്റിൽ മെസ്സി തന്റെ രണ്ടാം ഗോൾ കണ്ടെത്തി. ഡാന്റെ സീലി (74'), വിക്ടർ ലോട്ടൂരി (ഇഞ്ചുറി ടൈം) എന്നിവരിലൂടെ മോൺട്രിയൽ രണ്ട് ഗോളുകൾ തിരിച്ചടിച്ചു.

നാല് മത്സരങ്ങളിൽ വിജയം നേടാനാകാത്ത അവസ്ഥയ്ക്ക് ശേഷമാണ് മയാമിയുടെ ഈ ജയം. ഈ വിജയത്തോടെ 15 മത്സരങ്ങളിൽ നിന്ന് 7 ജയവും 5 സമനിലയുമായി അവർ ഈസ്റ്റേൺ കോൺഫറൻസിൽ ആറാം സ്ഥാനത്തേക്ക് ഉയർന്നു. മോൺട്രിയൽ ഒരു ജയം മാത്രം നേടി അവസാന സ്ഥാനത്ത് തുടരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്