ക്രിസ്റ്റ്യാനോ റൊണാൾഡോ ഗോൾ നേടിയ മത്സരത്തിൽ ഇറാന്റെ എസ്റ്റെഗ്ലാലിനെതിരെ 3-0ന്റെ വിജയത്തോടെ എഎഫ്‌സി ചാമ്പ്യൻസ് ലീഗ് എലൈറ്റ് ക്വാർട്ടർ ഫൈനലിലേക്ക് അൽ നസർ മുന്നേറി.

പ്രീക്വാർട്ടറിലെ ആദ്യ പാദം ഗോൾരഹിതമായിരുന്നു. ടൂർണമെന്റിലെ റൊണാൾഡോയുടെ ഏഴാം ഗോളാണ് താരം നേടിയത്. 26-ാം മിനിറ്റിൽ സാദിയോ മാനെ ഫൗൾ ചെയ്തതിന് ലഭിച്ച പെനാൽറ്റി ഗോളാക്കി മാറ്റി. ജോൺ ഡുറാൻ നേരത്തെ 9-ാം മിനിറ്റിൽ സ്‌കോറിംഗ് തുറന്നിരുന്നു.

അതേസമയം മെഹ്‌റാൻ അഹമ്മദി ചുവപ്പ് കണ്ടത് എസ്‌റ്റെഗ്ലാലിന്റെ പ്രതീക്ഷകൾ അവസാനിക്കാൻ കാരണമായി. അൽനസറിന്റെ ആദ്യ ഏഷ്യൻ കിരീട പ്രതീക്ഷ നിലനിർത്തിക്കൊണ്ട്, 87-ാം മിനിറ്റിൽ തന്റെ രണ്ടാം ഗോൾ നേടിക്കൊണ്ട് ഡ്യുറാൻ അൽ നസറിന്റെ വിജയം ഉറപ്പിച്ചു.

മറ്റൊരു മത്സരത്തിൽ യുഎഇയുടെ അൽവാസലിനെ 4-2ന് തോൽപ്പിച്ച് ഖത്തറിന്റെ അൽസദ്ദ് അവസാന എട്ടിൽ ഇടം നേടി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്