2026-ലെ മെറ്റ് ഗാല റെഡ് കാർപ്പറ്റിൽ ഹോളിവുഡ് താരം സോയി ക്രാവിറ്റ്സിന്റെ സാന്നിധ്യം വലിയ ചർച്ചകൾക്ക് വഴിവെച്ചിരിക്കുകയാണ്. പ്രശസ്ത ഗായകൻ ഹാരി സ്റ്റൈൽസുമായി താരം വിവാഹനിശ്ചയത്തിനൊരുങ്ങുന്നു എന്ന വാർത്തകൾക്കിടെയാണ് സോയി ചടങ്ങിലെത്തിയത്.
സെയിന്റ് ലോറന്റ് ഡിസൈൻ ചെയ്ത കറുത്ത ലേസ് ഗൗണിൽ അതീവ സുന്ദരിയായി എത്തിയ താരം, തന്റെ ഇടതുകൈ ക്യാമറക്കണ്ണുകളിൽ നിന്ന് മറച്ചുപിടിക്കാൻ ശ്രമിച്ചത് ആരാധകർക്കിടയിൽ സംശയങ്ങൾക്കിടയാക്കി. താരം ധരിച്ചിരുന്ന മോതിരം ദൃശ്യമാകാതിരിക്കാനാണ് ഇത്തരമൊരു നീക്കമെന്നാണ് സോഷ്യൽ മീഡിയയിലെ സംസാരം.
സബ്രിന കാർപെന്റർ, ഡോജ ക്യാറ്റ് എന്നിവർക്കൊപ്പം ഇത്തവണത്തെ മെറ്റ് ഗാലയുടെ ഹോസ്റ്റ് കമ്മിറ്റി അംഗം കൂടിയായിരുന്നു 37-കാരിയായ സോയി. 2025-ൽ റോമിൽ വെച്ച് ഇരുവരെയും ഒരുമിച്ച് കണ്ടതോടെയാണ് പ്രണയവാർത്തകൾ പുറത്തുവന്നത്.
പുതിയ സംഗീത പര്യടനത്തിന്റെ (Together, Together Tour) തിരക്കിലായതിനാൽ ഹാരി സ്റ്റൈൽസ് ചടങ്ങിൽ പങ്കെടുത്തിരുന്നില്ല. സോയിയുടെ പിതാവ് ലെനി ക്രാവിറ്റ്സിന് ഹാരിയെ വലിയ കാര്യമാണെന്നും ഇരുവരുടെയും ബന്ധത്തിന് കുടുംബത്തിന്റെ പിന്തുണയുണ്ടെന്നും റിപ്പോർട്ടുകൾ സൂചിപ്പിക്കുന്നു. മുൻപ് ചാനിംഗ് ടാറ്റമുമായി പ്രണയത്തിലായിരുന്ന സോയി 2024-ലാണ് ആ ബന്ധം വേർപെടുത്തിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
