'പിടിച്ചു നിൽക്കാൻ പറ്റുന്നില്ല'; തെന്നിന്ത്യൻ നടന്മാരോട് അഭ്യർത്ഥനയുമായി ഷാരൂഖ് ഖാൻ

JANUARY 28, 2025, 9:08 PM

അല്ലുവിനോടും രാം ചരണിനോടും വിജയ്‌യോടും അഭ്യർത്ഥനയുമായി ഷാരുഖ് ഖാൻ. ഇത്ര വേഗത്തിൽ ഡാൻസ് ചെയ്യരുതെന്നും നിങ്ങൾക്കൊപ്പം തനിക് പിടിച്ചു നിൽക്കാൻ പറ്റുന്നില്ലെന്നും നടൻ കൂട്ടിച്ചേർത്തു.

റിപ്പബ്ലിക് ദിനത്തിൽ ദുബായിലെ ഗ്ലോബൽ വില്ലേജിലെത്തിയിരുന്നു നടൻ. എൺപതിനായിരത്തോളം ആരാധകരാണ് ഷാരൂഖിനെ കാണാനായി ചടങ്ങിലെത്തിയത്. ഇവിടെവെച്ചാണ് തെന്നിന്ത്യൻ സിനിമയിലെ തന്റെ സുഹൃത്തുക്കളെക്കുറിച്ച് ഷാരൂഖ് സംസാരിച്ചത്.

'കേരളം, കർണാടക, ആന്ധ്ര, തെലങ്കാന, തമിഴ് നാട് എന്നിവിടങ്ങളിൽനിന്നുള്ള എന്റെ എല്ലാ ആരാധകരോടുമായി ഒന്നുപറയുകയാണ്. എനിക്കവിടെയെല്ലാം ഒരുപാട് സുഹൃത്തുക്കളുണ്ട്. അല്ലു അർജുൻ, പ്രഭാസ്, രാം ചരൺ, യഷ്, മഹേഷ് ബാബു, വിജയ്, രജനികാന്ത്, കമൽഹാസൻ തുടങ്ങിയവരൊക്കെ നല്ല സുഹൃത്തുക്കളാണ്.

അവരോടായി ഒരു കാര്യം പറയാനാഗ്രഹിക്കുകയാണ്. ദയവുചെയ്ത് ഇത്രയും വേഗത്തിൽ ഡാൻസ് ചെയ്യരുത്. നിങ്ങളോട് പിടിച്ചു നിൽക്കാൻ എനിക്ക് ബുദ്ധിമുട്ടാണ്,' ഷാരൂഖ് ഖാൻ പറഞ്ഞു.

ഷാരൂഖ് തന്റെ പുതിയ ചിത്രമായ കിംഗിനെക്കുറിച്ചും വേദിയിൽ സംസാരിച്ചു. പത്താൻ സംവിധാനം ചെയ്ത സിദ്ധാർത്ഥ് ആനന്ദ് ആണ് കിംഗ് സംവിധാനം ചെയ്യുന്നത്. "ഈ ചിത്രത്തെക്കുറിച്ച് എനിക്ക് കൂടുതലൊന്നും പറയാൻ കഴിയില്ല. പക്ഷേ, എല്ലാവരെയും രസിപ്പിക്കുമെന്ന് എനിക്ക് ഉറപ്പിച്ചു പറയാൻ കഴിയും.മകൾ സുഹാന ഖാൻ സംവിധാനം ചെയ്യുന്ന ചിത്രത്തെക്കുറിച്ചും താരം സൂചന നൽകി. ഈ ചിത്രത്തിൽ അഭിഷേക് ബച്ചൻ വില്ലനാകുമെന്ന് ഷാരൂഖ് പറഞ്ഞു.