'പരാജയപ്പെടുമ്പോൾ എങ്ങനെ വേദനിപ്പിക്കുന്നു'; ഗെയിം ചേഞ്ചറിൻ്റെ പരാജയത്തെക്കുറിച്ച് അഞ്ജലി

JANUARY 29, 2025, 1:32 AM

ആരാധകർ ഏറെ പ്രതീക്ഷയോടെ കാത്തിരുന്ന ശങ്കർ ചിത്രമായിരുന്നു ഗെയിം ചേഞ്ചർ. ശങ്കറിൻ്റെ രാം ചരണും കിയാര അദ്വാനിയും ഒന്നിച്ചഭിനയിച്ച ചിത്രം ബോക്‌സ് ഓഫീസിൽ വൻ പരാജയം ആയിരുന്നു. ഇപ്പോൾ ഗെയിം ചേഞ്ചറിൻ്റെ പരാജയത്തെക്കുറിച്ച് പ്രതികരിച്ചു രംഗത്ത് എത്തിയിരിക്കുകയാണ് നടി അഞ്ജലി.

സമീപകാല തമിഴ് ചിത്രമായ മദഗജ രാജയുടെ തെലുങ്ക് റിലീസിനോട് അനുബന്ധിച്ച് നടന്ന വാര്‍ത്ത സമ്മേളനത്തിലാണ് താരം പ്രതികരിച്ചത്. അഭിനേതാക്കൾ തങ്ങളുടെ പരമാവധി നല്‍കിയ സിനിമകൾ അടയാളപ്പെടുത്താതെ പരാജയപ്പെടുമ്പോൾ അത് എങ്ങനെ വേദനിപ്പിക്കുന്നുവെന്നാണ് അഞ്ജലി പറഞ്ഞത്.

“ഒരു അഭിനേതാവ് എന്ന നിലയിൽ, എൻ്റെ കഥാപാത്രത്തെ ഞാൻ എത്ര നന്നായി അവതരിപ്പിച്ചുവെന്നതിൻ്റെ ഉത്തരവാദിത്തം എനിക്ക് മാത്രമേ ഏറ്റെടുക്കാൻ കഴിയൂ. ഒരു സിനിമ ബോക്സോഫീസിൽ വിജയിക്കണം എന്നതാണ് പ്രമോഷന്‍ ചെയ്യുമ്പോള്‍ അടക്കം ഞങ്ങള്‍ പ്രതീക്ഷിക്കുന്നു. എന്നാൽ അതിനപ്പുറം, ഗെയിം ചേഞ്ചറിന് എന്ത് പറ്റി എന്ന് സംസാരിക്കാൻ കൂടുതൽ സമയം ആവശ്യമാണ്. ഞാൻ എന്തിനാണ് അങ്ങനെ പറയുന്നതെന്ന് എല്ലാവർക്കും അറിയാം"എന്നാണ് അവർ പ്രതികരിച്ചത്.