ലോകമെമ്പാടും വൻ ആരാധകശ്രദ്ധ നേടിയ സീരീസ് ആണ് ഗെയിം ഓഫ് ത്രോൺസ്. 2011 മുതൽ 2019 വരെ HBOയിൽ സംപ്രേഷണം ചെയ്യപ്പെട്ട ഈ സീരീസിന് ആരാധകർ ഏറെയാണ്. ഇത് അവസാനിച്ച് ആറു വർഷം കഴിഞ്ഞിട്ടും ഇപ്പോഴും ചർച്ചചെയ്യപ്പെടുന്ന ചില രംഗങ്ങൾ ഇതിലുണ്ട്. അതിലൊന്നാണ് സംസാ സ്റ്റാർക്ക് നേരിടുന്ന ബലാത്സംഗ രംഗം.

വിവാദമായ രംഗം 

2015-ൽ പ്രദർശിപ്പിച്ച സീസൺ 5-ന്റെ ആറാം എപ്പിസോഡിലാണ് ഈ വിവാദ ദൃശ്യം ഉള്ളത്. സംസാ സ്റ്റാർക്ക് (സോഫി ടർണർ അഭിനയിച്ച കഥാപാത്രം) തന്റെ വിവാഹരാത്രിയിൽ, ഭർത്താവ് റാംസി ബോൾട്ടൺ (ഇവാൻ റിയൺ) ക്രൂരമായ ബലാത്സംഗത്തിന് ഇരയാകുന്നു. അതിനിടെ, സംസായുടെ ബാല്യകാല സുഹൃത്തായ തിയോൺ ഗ്രേജോയിന് (ആൽഫി അലൻ) അത് നിർബന്ധിതനായി കണ്ടുനിൽക്കേണ്ടി വരുന്നു.

ഈ സീൻ വളരെ തുറന്നും ക്രൂരമായും ചിത്രീകരിച്ചതിനാൽ പലരും ഇതിനെ ശക്തമായി വിമർശിച്ചിരുന്നു. സ്ത്രീകളുടെ മേൽ നടക്കുന്ന അതിക്രമം അതിരുകടന്ന രീതിയിൽ ചിത്രീകരിച്ചതും അത് കഥാപശ്ചാത്തലത്തിൽ അത്ര ആവശ്യമായിരുന്നെന്നും ചിലർ ആരോപിച്ചു. 

ഇത് കൂടാതെ, ജോർജ് ആർ.ആർ. മാർട്ടിന്റെ ഗെയിം ഓഫ് ത്രോൺസ് നോവലുകളിൽ സംസാ സ്റ്റാർക്കിന്റെ കഥാരേഖ ഇങ്ങനെ മുന്നോട്ടുപോയിരുന്നില്ലെന്നതിനാൽ, ആരാധകർ കടുത്ത നിരാശയും പ്രകടിപ്പിച്ചു. 29 വയസ്സായ സോഫി ടർണറിന് കൗമാരത്തിൽ ആയിരിക്കുമ്പോൾ തന്നെ ഈ രംഗത്തിൽ അഭിനയിക്കേണ്ടി വന്നിരുന്നു. ഇക്കഴിഞ്ഞ ഒരു അഭിമുഖത്തിൽ താരം ഈ രംഗത്തെ കുറിച്ച് പ്രതികരിച്ചിരുന്നു.

"ഗെയിം ഓഫ് ത്രോൺസ് പലർക്കും കാണാൻ ബുദ്ധിമുട്ടാകുന്ന, 'ഇത് കാണിക്കരുത്' എന്ന് പറയുന്ന വിഷയങ്ങൾ ഇതിൽ തുറന്ന് കാണിച്ചിരുന്നു. ഇത് പലരെയും വിഷമിപ്പിക്കാം, അത് ഞാൻ മനസിലാക്കുന്നു. എന്നാൽ സ്ത്രീകൾ നൂറ്റാണ്ടുകളായി നേരിടുന്ന യാഥാർത്ഥ്യങ്ങളെക്കുറിച്ച് നമ്മൾ സംസാരിച്ചുവെന്നാണ് എനിക്ക് തോന്നിയത് – പുരുഷാധിപത്യവും, സ്ത്രീകളെ വെറും ഒരു വസ്തുവായി കാണുന്നതും, നിരന്തരം അവർ നേരിടുന്ന ലൈംഗിക അതിക്രമങ്ങളും എല്ലാം തുറന്ന് സംസാരിക്കേണ്ടിയിരിക്കുന്നു. ഞാൻ അറിയുന്ന ഒരു സ്ത്രീപോലും ഇതിന്റെ ഏതെങ്കിലും രൂപം അനുഭവിക്കാത്തവളല്ല" എന്നാണ് താരം പറയുന്നത്.

"ഞാൻ കണ്ടുമുട്ടിയ എല്ലാ സ്ത്രീകൾക്കും ഇത്തരം അനുഭവങ്ങൾ ഉണ്ടായിട്ടുണ്ടെന്ന് ഞാൻ പറയുമ്പോൾ പുരുഷന്മാർ പലപ്പോഴും വിശ്വസിക്കുന്നില്ല. കാരണം നമ്മൾ ഇത് തുറന്നുപറയാറില്ല. ഗെയിം ഓഫ് ത്രോൺസ് ഇന്ന് പുറത്തിറങ്ങിയിരുന്നെങ്കിൽ, ട്രിഗർ വാർണിംഗ് നൽകിയേനേ. എങ്കിലും സ്ത്രീകളുടെ മേൽ നടന്ന ക്രൂരതകളെ മറച്ചുവെക്കാതെ കാണിച്ചതിൽ ഞാൻ അഭിമാനം കൊള്ളുന്നു" എന്നും താരം കൂട്ടിച്ചേർത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്